Page 57 - MIN VOS, 28 April 2015

25 morto confirma pa Chikungunya na Colombia

 Apr 28th, 2015
 Internacional

Di acuerdo cu e ultimo reporte duna pa e Instituto Nacional di Salud, di e 43 casonan di morto
propablemente pa Chikungunya, 25 a wordo confirma y otro 17 ta sigui den estudio.
Den e pais a presenta 180 mil caso di e virus desde mediado di 2014, di cual 25 di nan tabata
mortonan confirma den e departamentonan di Nort di Santandes, cu diez caso, Cundinamarca cu
seis, Huila cu tres, Tolima cu dos, mescos cu Sucre y Barranquilla y Cartagena cu un caso.
Cu esey, e casonan di fayecimento ta concentra na Nort di Santander, un departamento parti oost
di Colombia y frontera cu Venezuela y despues ta distribui pa regionnan tanto den centro como
nort di e pais.
Pa studia y confirma e mortonan, INS a convoca siman pasa un reunion cu expertonan nacional y
internacional “cu e obhetivo pa construi un metodologia pa e analisis di casonan atipico y
casonan probable di morto pa e virus,” e organismo a splica.
Segun e ultimo buletin di INS riba Chikungunya, na Colombia a confirma mas di 180 mil caso di
e enfermedad aki, cu por wordo transmiti pa e sangura Aedes Aegypti, e mesun di dengue y
keintura geel – of pa Aedes Albopictus.
Chikungunya, identifica pa prome biaha na Tanzania na 1952 y desconoci na America Latina te
cu December di 2013, ta provoca keintura halto, tambe dolornan den musculo, joints y cabez y
por yega na ta mortal. Na Colombia, e sistema di salud a reporta un prome caso di e virus na Juli
ultimo.
http://masnoticia.com/25-morto-confirma-pa-chikungunya-na-colombia/