Page 58 - MIN VOS, 28 April 2015

Ken lo mira campeon di Aruba? Sunset Gazeles of YMCA

Monday, 27 April 2015 09:59
Comparti

Diaranzon awor dia 29 di april 2015 Aruba Volleyball Association lo clausura su Campeonato Nacional di
Volleyball 2014 – 2015 cu un tremendo final di volleyball entre e damasnan di categoria A-Klasse.
E dos equiponan aki cu ta Sunset Gazelles y YMCA, ambos tin 2 wega gana y diaranzon awor esun cu
gana lo bira e Campeonnan di Aruba. Ambos equipo a lucha e ultimo simannan aki pa bay cu e victoria
pero esaki lo wordo dicidi diaranzon awor pa 8:00pm ariba Cancha di Centro Deportivo Betico Croes.
Gazelles Sunset ta e Campeonnan di aña pasa mientras cu YMCA ta e Sub-campeonnan.
Prome cu e wega estelar aki, Aruba Volleyball Association lo clausura su Campeonato Hubenil pa aña
2014-2015 cu tawata bao liderazgo di Sra. Cheddy Lopez Henriquez. Pa 7:00pm lo inicia cu e ceremonia
oficial pa e Categoria Hubenil unda e Campeonnan y Sub-Campeonnan den mucha muher U-15, mucha
homber U-16 y mucha muher U-18 lo ricibi nan trofeo y medayanan.
Den mucha muher U-15, e Team Campeon ta Britannia y Sub-campeon ta Unistars
Den mucha homber U-16, e Campeonnan ta Little Spartans La Fama y Sub-campeon Centro di Bario
Noord
Y den mucha muher U-18, POVA ta e team Campeon y Unistars Sub-campeon.
Despues lo sigi e wega final entre e damasnan Sunset Gazelles y YMCA y e anochi lo wordo clausura cu
entrega di Trofeo y Medayanan pa e Lider di Campeonato Sra. Mena Kelly na e Teamnan ganador den e
Categoria Senioren.
Den Damas B – Klasse e Team Campeon ta Cruzeiro cu nan Coach Sr. Wiwi Maduro.
Den Cabayeros A – Klasse e Team invicto di Spartans La Fama cu nan Coach Elmer Robles de Medina a
mantene nan titulo di Campeon y Sub-Campeon pa e aña aki ta e Team di YMCA cu nan Coach Percy
Phelipa. Na di 3° lugar a keda Centro di Bario Noord cu nan Coach John van der Lee.
Den Damas A – Klasse e Campeon y Sub-Campeon lo nos conoce diaranzon awor mientras cu na di 3°
Lugar a keda POVA cu nan Coach Irald Phelipa.
Un cordial invitacion ta bay na tur atleta di volleyball y fanaticada pa acudi diaranzon awor na Centro
Deportivo Betico Croes pa apoya y presencia e ultimo wega final di volleyball entre YMCA y Sunset
Gazelles y disfruta di un bunita clausura di e Campeonato Nacional di Volleyball 2014 – 2015.

http://www.24ora.com/deporte-mainmenu-7/94545-ken-lo-mira-campeon-di-aruba-sunset-gazeles-of-
ymca