Page 46 - AVP

Trahadonan di SERLIMAR finalmente diamars a cobra nan salario, aunke cu algun dia di

retraso. E director di e compania, Hensley Davelaar, mes a pone riba papel na inicio di

aña cu e pago di luna di december lo mester a tuma luga siman pasa. Pero tabata te

diamars ultimo cu e pago finalmente a drenta riba cuenta di e empleadonan, despues di

esfuersonan di Parlamento di Aruba. Di e forma aki nan logra haya e placa necesario pa

asina awe trahadonan tin nan salario.

Loke si nan no a haya ta por ehempel Christmas Dinner. E biaha aki nan no a haya esaki.

Trahadonan na Serlimar ta hopi desapunta. Desapunta pasobra nan no sa si nan lo cobra

januari. Mas bien a cobra nan salario di december.

Sindicato STA ta totalmente den un soño profundo, segun e empleadonan a

splica 24.ora.com. Den pasado kico cu ta, si un tire ta gasta, falta un grip, falta un tight

riba e tuck di sushi, ya caba STA tabata roga e trahadonan pa bin welga. Awe nan salario

no ta yega riba nan cuenta segun fecha stipula. Mientras cu Serlimar ta den un desaster

financiero total, Diego de Cuba, presidente di STA awe ta perdi. A disparce y ningun

hende no sa di dje.

Trahadonan, miembronan di STA ta hopi disgusta. Esey ta e motibo tambe cu nan a

cuminsa bandona STA. Nan no kier tende mas di STA. Mas cu 10 miembro ya caba a

entrega nan retiro e siman cu a habri aki. Nan ta bisa cu nan no ta interesa mas den STA

como sindicato pa representa nan. Mescos cu na Serlimar, tin hopi otro empresa cu a mira

con populista sindicato STA ta y awe ta mira cu STA mas bien tabata interesa den e placa

di miembresia, 300 florin pa aña di cada miembro y ora mester para pa e trahadonan, e no

ta para pa nan.