Page 48 - AVP

Kico tin di sconde awe cu e gobierno cu ta papia di transparencia y integridad no por

habri buki pa tur hende wak unda e placa di Serlimar a wordo gasta.

Preguntanan ta: Kico ta e problema y dicon tanto miedo. Hasta un parlamentario di MEP,

Daphne Lejuez, a dicidi cu e no ta soporta tipo di manehonan asina ki y a stap uit y bira

independiente. Dicon? Pasobra cu e cifranan financiero di Serlimar no ta cla riba mesa pa

Parlamento analisa.

Ningun hende sa te awe unda e miyonesnan a bay. Por ehempel na Errol Henriquez,

kende ta sponsor di e grupo di Carnaval di Otmar Oduber e tempo ey. Hopi placa Otmar

Oduber a fiesta cun’e. Tur a bay pa amigo, sponsornan di dje y awe cu trahadonan ta

pasando den situacionnan fastioso, bo no ta tende nada mas, ni di e cifranan aki. Un

parlamento responsabel. Un Edgard Vrolijk, Rocco Tjon, cu ta esnan cu a bisa cu nan ta

di e politica nobo, integro, transparente, no tabata tin ni e descencia pa pidi cifranan di

Serlimar y a core aproba si mas placa.

Danki na esey, trahadonan por a cobra. Pero na januari no sa kico lo bin. Ta un situacion

sumamente fastioso, ta loke ta pasando na Serlimar. Ta spera cu tin transparencia,

pasobra e miyonesnan cu a wordo gasta na Serlimar na sponsor y amigonan, no ta mir’e

den e salario di e trahadonan.

https://24ora.com/mientras-cu-sindicato-ta-na-sono-trahadonan-di-serlimar-tin-miedo-cu-nan-no-lo-
mira-nan-salario-na-januari/