Page 47 - AVP

Practicamente un sindicato politico cu ta mas bien para pa defende e maldad di un

gobierno cu no ta ni percura pa cifranan di Serlimar wordo presenta pa tur hende sa unda

e placa a bay.

Serlimar a haya miyones extra. Otmar Oduber, kende awe a bandona e gobernacion aki, a

pone presion y e coalicion – fraccionnan di MEP, POR, y RED – a bati man pa Otmar y a

dun’e miyones. Pero ningun di e miyonesnan aki, ni un florin a bay riba e salario di e

trahadonan di Serlimar, cu ta esnan cu ta traha, cu sodo di nan frenta, den solo cayente,

cas pa cas, lantando bari, ningun di nan a mira un florin riba nan salario.

Awo a yega asina leu cu placa a caba cu nan a casi keda sin cobra luna di december y

Otmar mes a somenta y e placa a bay na tur e webnan cu ta mira riba e murayanan di

Serlimar, a bay pa e amigo ruman, Ralph Maduro.

E edificio di Serlimar a bay pa e sponsor di e minister. A pone Hensley Davelaar y

Marelva Wever, dos director cu ta ganando hopi placa y ta responsabel pa maneho

financiero di Serlimar. Nan a permiti pa Otmar Oduber por a fiesta cu e miyonesnan cu

Parlamento a bati man y aproba pa Otmar haya.

Giovani van Wijk, presidente di e board di Serlimar, tur e tres hendenan aki ta

responsabel pa e decadencia financiero cu tin awe na Serlimar y cu no por garantisa

salario di e trahadonan na januari.

Ta bon mes nan a cobra, pasobra e pregunta ta kico lo tin den luna di januari. Trahadonan

ta rabia y preocupa cu nan futuro. Otmar a yena e luga cu yen di hende di campaña, pero
awe el a somenta y lagando Serlimar den un desaster total.