Page 56 - AVP

pa luna, esaki ta 3000 florin pa aña. Bo lo spaar 10% di 3000 forin cu ta 300
florin pa aña. Esaki ta mas cu 1 luna di coriente. Sigur un alivio grandi pa hopi
famia aki na Aruba. Pero otro instancia y comercio tambe ta bay gosa di un
rebaho.

Otro anuncio cu sigur a trece alegria pa nos grandinan, ta cu conseho di
Minister, riba proposicion di Minister di Turismo, Salud Publico y Turismo, a
dicidi di aumenta e pensioen di behes (AOV). Esakinan lo aumenta na e
siguiente forma entrante 1 di januari 2020:
– Pensioen pa soltero ta aumenta di 1.132 pa 1.157 florin
– Pensioen pa pareha ta aumenta di 1.906 pa 1.948 florin
– Pensioen dividi pa pareha ta aumenta di 953 pa 974 florin
E pensioennan pa huerfano y viudo ta keda adapta cu e mes un porcentahe.

Otro bon noticia cu a keda anuncia recientemente ta cu minister Dangui Oduber
a firma pa e proceso cuminsa pa entrante 2020 tur e productonan di cannabis
medicinal ta accesibel pa comunidad.

E proceso pa legalisa cannabis medicinal ta canando for di hopi tempo.
Conforme e acuerdo di gobernacion di partidonan MEP-POR-RED lo legalisa e
uso di cannabis medicinal. Minister presidente sra. Wever-Croes a institui un
comision pa explora e posibilidadnan y for di algun tempo caba minister Dangui
Oduber ta trahando riba esaki.
Despues di un periodo di haci tur e preparacionnan necesario e momento a yega
cu por cuminsa e proceso oficial pa e legalisacion di e uso di cannabis medicinal.
Minister Dangui Oduber a firma pa e proceso cuminsa pa realisa dicho
legalisacion y haci posibel cu entrante 2020 tur e productonan cannabis
medicinal ta accesibel pa comunidad. Sigur esaki ta otro logro di Gabinete
Wever-Croes considerando e hecho cu nunca antes a haci esaki. Un gran
cantidad di persona ta haci uso di cannabis medicinal pa nan salud y ta
importante cu awor ta legalisa esaki. Minister Oduber a haci peticion na
departamento huridico pa traha riba e decreto ministerial pa di e forma aki e
importacion di e productonan di cannabis medicinal wordo legalisa. Gabinete
Wever-Croes ta enfatisa cu ta trata solamente legalisacion di uso medicinal y no
cannabis recreacional.

Parlamentario Tromp-Lee ta termina bisando cu Gabinete Wever-Croes a
priminiti y awor ta cumpli cu diferente punto di deseo di pueblo.

https://masnoticia.com/parlamentario-shailiny-tromp-lee-mep-gabinete-wever-croes-anunciando-
diferente-noticia-positivo-poniendo-e-ser-humano-central/