Page 61 - AVP

E organo aki aña pasa caba a entrega un rapport na Gobierno titula

“Koopkrachtverbetering van de minima – december 2018”. Den e rapport aki nan ta trata

di mehora di un forma mas structura e problema di perdida di compra di tur esnan cu ta

gana salario minimo. Pero Gobierno te dia di awe no a haci nada cu e rapport aki. Y

esaki, segun SER, ta haci nan trabou cada biaha mas dificil.

Loke ta hala atencion den e conseho duna door di SER ta unda nan ta bisa cu un eventual

adaptacion / aumento di salario minimo mester bay man den man cu reduccion di

gastonan di Gobierno y aumento di e entradanan di Gobierno, ya cu de lo contrario ta

papia di un circulo vicioso unda cu e poder di compra (en general) no ta mehora. “Door

di e maneho scogi den pasado Gobierno a haya su mes cu deficitnan financiero, pa cual a

introduci BBO, BAZV y Crisisheffing. Esakinan a conduci na aumento di prijsnan cu lo
tin atrobe como consecuencia inflacion y perdida di poder di compra. Pues un circulo

vicioso. Loke SER ta bisa tambe ta cu inflacion por conduci na erosion di crecemento

economico. No por t’asina tampoco, segun e organo, cu cada biaha e deficitnan mester

wordo yena door di comercio. Gobierno di su banda tambe mester haci hopi mas y por

ehempel baha su gastonan di personal, mehora e cumplimento di pago di belastingnan,

combati e ilegalidad, pero tambe e circuito preto y concurencia inhusto.

Un biaha pa aña SER ta haci evaluacion si ta necesario pa aumento di salario cu mester

drenta na vigor riba e prome dia di e aña nobo.

https://24ora.com/salario-minimo-a-surpasa-1800-florin-y-ser-ta-adverti-gobierno-baha-gasto/