Page 60 - AVP

E aumento di salario minimo ta algo cu semper e Organo Social Economico (SER)ta

duna conseho riba dje riba of sin peticion di Gobierno. Tabata den su rapport entrega dia

26 di november cu SER a bisa cu mirando e desaroyonan di perdida di poder di compra,

1.8% den 2018 y 4.1% den 2019, por papia di un inflacion di 5.9% den e ultimo dos

añanan. Mirando cu aña pasa a conseha un aumento di 3%, ta keda 2.9% pa compensa e

perdida di poder di compra.

Cu e rapport aki e Minister di Labor a pidi aprobacion pa aumenta e salario minimo, unda

cu a menciona cu esaki a tuma luga cu apoyo unanime di e gremionan. Den un otro

articulo sinembargo por lesa cu Camara di Comercio no ta di acuerdo cu e aumento aki.

SER ta bisa tambe mirando e pronostico di un desaroyo economico positivo, y cu Banco

Central ta premira un crecemento di 0.9%, nan ta kere cu lo tin suficiente forsa pa

compensa e resto di e perdida di poder compra. Nan a señala tambe den nan rapport cu

mayoria di e contractonan colectivo cera e aña’ki den sector priva ta basa riba un

aumento di 3%. P’esey nan conseho tabata pa subi e salario minimo cu 3%.

Evaluacion

Den e rapport pa cu adaptacion di e salario minimo entrante prome di januari, 2020, SER

ta menciona cu e ley a base di cual esaki por tuma luga, ta uno hopi bieu y no ta cuadra

mas cu e siglo aki, ta contraproductivo y ta haci casi imposibel pa SER, den cuadro di e

ley, duna conseho riba e aumento anual di salario minimo. Nan ta conseha pa haci algun

cambio den e ley cu ta permiti haci nan evaluacion di un miho forma. Asina por ehempel

e ley aki ta permiti conseha solamente riba 0% di aumento of 100% di aumento como

compensacion di e perdida di compra. No tin un caminda meymey pa SER.