Page 17 - DESPA

Na Aruba e departamentonan ta sacando hopi informacion cu ta algo cu den paisnan den region
no ta sosodiendo den forma similar. Esun cu no a tende di Zika na Aruba of Dengue cu
Chikingunya, ta pasobra e ta Isola den cuater muraya.

Ta deber di cada persona di cana sikiera den nan cura wak si tin criadero. No core yama GKMB
pasobra bo tin molester di sangura. Cuminsa abo mes haci algo dor di cana den bo cura. Sa pasa
caminda hende ta yama GKMB y ora bisanan chek den cura si tin criadero, ta tende nan bisa cu
no tin nada.

Ora GKMB dicidi di bin na e cas ta resulta cu nan tin casi diez criadero den nan cura. Tipo di
cosna asina ta loke hende mester ta mas conciente di dje. Bo mes atende e cosnan aki seriamente
y cuminsa bo mes na evita problema di criadero den bo cas of cura. GKMB y Salubridad Publico
ta e departamentonan cu ta atende cu meldingnan cu drenta pero cada ciudadano tin nan mesun
responsabilidad tambe.

Zika no ta motibo pa panico pasobra ta algo cu a yega den e area aki y e posibilidad ta cu e lo a
yega Aruba tambe mescos cu a pasa cu Dengue y Chikungunya. Ta keda na nos pa evita cu su
yegada e plama pa motibo di nos mesun iresponsabilidad. Aruba no ta riba e lista di casonan
confirma dor di pisca di Zika na Aruba mes.

E paisnan caminda e sangura di Zika su presencia a confirma ta actualmente
Barbados,Bolivia,Brazil,Colombia,Ecuador,El Salvador, French, Guiana, Guadeloupe,
Guatemala, Guyana, Haiti, Honduras, Martinique, Mexico, Panama, Paraguay, Puerto Rico,
Saint Martin, Suriname, Venezuela, Samoa, Cape Verde.

Probablemente lo dura poco cu e dianan aki berdad lo haya un prome caso confirma di Zika dor
di pica na Aruba mes. Esaki dimes ta debi na otro hende cu a yega cu Zika di exterior y a wordo
pica y e sangura a pica otro hende cu ta bibando aki. Asina e cos ta keda plama mescos cu
Dengue y Chikungunya.

http://www.diario.aw/2016/01/tin-hende-confirma-cu-zika-na-aruba-cu-a-bin-di-suriname/