Page 45 - KPA 19 OCT,2015

riba caya A9
Dialuna 19 Oktober 2015

Accidente na crusada
di Paradera

PARADERA – Diabierna tras di e S10 un otro auto
atardi polis di trafico ta bay Mazda tambe a purba sali di
e crusada banda di Jabi di biaha. Asina e pickup Mazda
Angel. E accidente tabata a bay dal contra dje.
entre un pickup Mazda y Den e pickup Mazda tabata
un otro auto Mazda. Segun tin un señora di edad, kende
chauffeur di e pickup, un ta un pashent di curason. E
otro pickup S10 lo a sali slow señora tabata sinti su mes
su dilanti y e chauffeur di malo. Personal di ambulance
e auto tabata na telefon. E a wordo pidi pa duna e señora
pickup Mazda a bay desvia pa asistencia medico.q
asina e no dal den e S10. Pero

Mucha ta huy sali
di cura di cas

KAMAY - Central a manda polis na un luga na Kamay, na
unda un mucha chikito a wordo laga atras. Na e sitio, polis
a papia cu un cliente, e homber K. E ta bisa cu dos homber
a laga e mucha atras, despues cu nan a haya e mucha ta cana
riba caminda y pa evita un accidente tuma luga. Nan no sa
identidad di e hendenan homber, como cu nan a bay mesora
di e sitio. Segun K, e mucha ta bon cuida, supuestamente el
a sali di e cura di cas. Un rato despues un muhe, kende lo
tabata e mama, a drenta den e supermarket y a coy e mucha
bay cun’e. Polis a controla den bisindario, pero no a haya ni
mama ni yiu.

Ladron ta horta tas
den Olde Molen

SHABA - E muhe B a bay warda di Shaba pa duna keho di
ladronicia. E ta bisa cu e tabata e anochi prome den Olde Mo-
len. Dado momento el a lanta unrato y a laga e tas atras. Ora
cu el a bolbe, e tas no tabata ey mas. Den e tas e tabata tin
algun articulo.

Drone ta bula molestia
habitantenan

MACUARIMA - E muhe S a bay warda di Santa Cruz y ta
bisa cu tur dia e ta mira un drone di mas o menos 30 cm, den
oranan di anochi na su cas. E tin diferente luz y un camara.
E ta mira cu e drone ta bula riba su dak. Segun S, e ta bula
na e luga caminda e ta haciendo su trabounan. S. ta bisa cu
algun bisiña tambe ta keha di e drone. Esaki ta tuma luga den
bisindario di San Fuego. Nan no sa kende ta e doño.

Pareha ta horta articulo
di den auto

SHABA - E homber B, a bay warda di Polis na Shaba pa duna
keho di ladronicia di su auto. E ta bisa cu su casa a para e auto
diabierna pa el a bay SuperFood Plaza. El a laga e auto intacto,
pero no na yabi. Ora cu el a bolbe, el a mira cu ladronnan a
bay cu articulonan di su auto. El a pone siguridad na haltura,
kende a mira e grabacion. Eynan por a mira cu un auto tabata
para dilanti su auto. Un homber y un muhe a baha abou y a
habri e porta di auto y a bay cu e articulonan. E manager di
Super Food Plaza ta bay haci copia di e grabacion pa e por hiba
warda. Polis a tuma e keho.