Page 20 - bon-dia-aruba-20171125
P. 20
A20 SINTERKLAAS
Diasabra 25 November 2017
Muchanan, con ta bai. Sinterklaas a yega Aruba. Pues, ya boso sa.
Haci cos di bon mucha pasobra e ta bai ta akinan te cu dia 5 di de-
cember. Corda bon cu tur anochi e lo pasa pa wak ken ta bon mucha
y ken ta mal mucha. Corda haci boso best na scol tambe pa asina e
wak un bunita rapport. Cu un bunita rapport sigur sigur lo bo haya
un bunita regalo tambe di Sinterklaas.
Busca e diferencianan
Fiesta na Scol
Tur mucha ta traha slingers y pechi di fiesta. Sinterklaas ta
bin di bishita na scol y tur cos mester mustra festivo. E juff ta
pinta riba borchi mientras cu Vilma y Sandra ta dorna e stoel
riba cual Sinterklaas ta bay sinta. Juff ta siña nan un cantica
nobo. Nan mester canta den dos stem. E ta zona bunita. Tin
biaha e no ta bay asina bon. Mita di e klas ta lubida di cum-
insa na tempo y esey no ta zona bunita. “Esey ta bini pa via
di nervio”, Juff ta bisa. “Si awe e no bay bon, mayan si nos lo
logra.”
Danki Dios, paso si nan mester canta e cantica pa Sinterklaas
nada tin mag di bay robes.
Con pa traha:
PEPERNOOT
Tel. 586-7104 • Noord 55-A
No tin fiesta di Sinterklaas sin pepernoot. Casi sigur bo ta
bay cumpra pepernoot den un tienda. Pero bo no ta kere cu
lo ta mas dushi pa traha nan bo mes hunto cu mama? Aki
bo tin e receta.
Loke bo mester:
250 gram hariña
3 gram baking powder
5 gram kaneel
2 ½ gram clabo na puiru
2 gram kardemom
1 gram gember na puiru
125 gram manteca
125 gram sucu bruin
50 gram stropi preto
3 gram salo
Preparacion:
Sefta e hariña, bakingpowder y specerij den un komchi.
Keinta e Manteca hunto cu e sucu, stropi y salo den un we
ate mas o menos 45 grado Celsius te ora cu tur cos dirti.
Basha esakiden e mescal di hariña y dreinan bon te ora bo
haya un mansa. Pone den un lugar friu pa algun ora pa e
sera bon. Cu un rolstok ta plat e mansa te ora e bira ½ cen-
timetre diki. Cu esaki bo ta traha e pepernoten. Ta pone
nan riba un plancha hunta cu vet y hink’e den forno pa 15
minuut na 180 grado. Ora nan ta cla ta laga nan fria.
