Page 4 - HOH

PAGINA 8 DIARIO DIALUNA 23 JUNI 2025
Ta pidi tur Curasoleño na Medio Oriente

pa registra nan mes

WILLEMSTAD: E conflicto arma entre Israel y Iran
ta sigui. Despues di e atake Israeli riba Iran dia 13 di
Juni, ambos pais a bin ta ehecuta atake aereo diariamente
riba otro. E situacion di seguridad den e region ta hopi
insigur y imprevisto, y Gobierno di Curaçao ta vigila e
situacion. Pesey awor ta conseha tur residente di Curaçao
cu actualmente ta na Israel, Iran, of un otro pais den
Medio Oriente, pa registra via e servicio di informacion
di Ministerio di Asuntonan Exterior di Hulanda.
Reino Hulandes tin varios puesto diplomatico den
Medio Oriente, e.o. Tel Aviv na Israel. Por haya tur
detaye na e website di:
nederlandwereldwijd.nl
Tambe tin conseho pa no biaha pa Israel por lo pronto.
Ta hasta sugeri pa sali di e pais si acaso por haci esey
na un forma safe. Mesun conseho ta ser duna pa Iran, y
tambe Irak.
Pa awor bo por biaha pa Qatar, pero tin riesgonan
special di seguridad.
Pa preguntanan di emergencia por contact Ministerio
na Hulanda, via:
+31 247 247 247.

Turista Colombiano a

hoga mientras ta snorkel

na Klein Curaçao

WILLEMSTAD: Tabata Diabierna merdia cu Centro
Operacional Maritimo (MOC) di Wardacosta di
Caribe Hulandes, a ricibi un yamada di urgencia
for di e isla Klein Curaçao, unda nan tin mester di
asistencia medico urgente.
Un turista Colombiano masculino di 46 aña di
edad, a guli un cantidad di awa net ora cu e tabata
snorkel eynan. Directamente despues di e incidente,
na e beach di Klein Curaçao mes a cuminza practica
CPR. E turista tabata eynan hunto cu su casa y
yiunan.
Wardacosta a laga nan Helicopter lanta vuelo
mesora, pa asina bay haci un evacuacion medico
di eynan. Ora cu nan tabatin e turista abordo di e
Helicopter, aki e personal di Wardacosta a tuma
reanimacion over, y a keda haci esey mientras
nan ta moviendo pa Aeropuerto di Hato, unda un
Ambulance tabata sperandoi pa sigui cu tratamento
medico.
No obstante tur e intentonan aki, lamentablemente
no por a haci nada mas pa e turista, y el a fayece.
Diferente instancia na Curaçao tabatey presente pa
asina sostene e famia.