Page 19 - AM240627

Diahuebs, 27 Juni 2024 AWEMainta CIENCIA 19
CIEN C I A

Asteroide potencialmente peligroso

lo pasa cerca di tera diahuebs

E Agencia Espacial Europeo (ESA) a comunica dialuna

cu un enorme asteroide, denomina ‘2011 UL21’, lo pasa
diahuebs mas of menos 6,6 miyon kilometer di distancia
di Tera, loke ta ekivalente na 17 biaha e distancia di
Luna pa Tera.

ESA
E Agencia Espacial a señala cu, cu su 2310 meter di
diameter, e asteroide aki ta mas grandi cu 99% di tur

e obhetivo cercano conoci na Tera. Di su parti, NASA a
indica cu su tamaño ta comparabel n’esun di un brug
enorme, mientras cu e website SpaceReference.org ta
precisa cu su tamaño ta comparabel n’esun di Mount

Everest.

Potencialmente peligroso
NASA a clasifica e asteroidena aki den e clase Apolo,

debi cu ta un obheto mediano di cual su orbita ta crusa
cu esun di Tera. Tambe ta definie como un obheto poten-
cialmente peligroso pa su aproximacionnan premira. Ta
calcula cu, na aña 2089 e curpa aki lo yega cerca di

nos planeta na un tercio di e distancia cual e lo pasa
diahuebs awo (cerca di 2,6 miyon kilometer).

Gianluca Masi, astrofisico y director di Proyecto di

Telescopio Virtual, a splica den un comunicado reci-
ente cu e obheto aki ta interesante pasobra ta proba-
blemente un di e 10 asteroidenan mas grandi cu a pasa
den menos di 7,5 miyon kilometer leu di nos planeta

desde 1900. ESA ta enfatisa cu e no ta representa
ningun peliger pa Tera, ya cu e probabilidad di impacto
ta cero.

A pesar di e gran distancia cu e lo pasa, e bishita di
‘2011 UL21’ ta brinda un oportunidad unico p’e astrono-
monan studia e obhetonan celeste aki. E datonan
recopila durante su paso por proporciona informacion

valioso riba e composicion y e comportacion di e aster-
oidenan, loke ta crucial p’e desaroyo di futuro strategia
di defensa planetario. Fuera di esey e tipo di evento aki
ta capta e interes publico y ta subraya e importancia di

e vigilancia continuo di espacio cercano p’e proteccion
di nos planeta.