Page 20 - AM240627
P. 20
20 DEPORTE AWEMainta Diahuebs, 27 Juni 2024
DEPO R T E
deporte@awemainta.com
Duelo interesante entre cabaynan diasabra awor
DIASABRA awor OCA ta realisa su Feria Nacional di cabay
y Diadomingo nos jinete y amazona lo midi forsa contra di
otro. Ambos evento ta na Villa Floralina, cuminsando respec-
tivamente pa 6’or y 4’or.
E expectativa entre e cabaynan cu ta competi Diasabra a
haya un dimension hopi special y ta anticipando un duelo
fuertisimo. Den e ultimo Feria Himno & Bandera a sali un
set di cabaynan jong cu a haci un impacto grandi. Den e
mesun rosea mester bisa cu algun di e faborito tradicional
no a competi. P’esey Diasabra awor ta spera un tope explo-
sivo, cu ta laga e apostadornan riba un pia.
Den paso fino lo tin un bonanza. E biaha aki 5 yegua den e
categoria di 61 pa 77 luna cual ta Suavidad di Tariq Welhous,
Artemisa di Lea Vink, Madasa di Vianney Coffie, Miss Aruba
di Melanie Wever y Cleopatra di Milton Thijzen lo yena e ring.
Cua lo clasifica p’e campeonato ta dificil pa bisa. Entre
e 5 yeguanan aki, ta solamente 2 por clasifica p’e Gran
Campeonato enfrentando otro yeguanan p’e titulo maximo.
“Suavidad” di Tariq Welhous a regresa di Corsou cu e pres-
tigioso titulo di Gran Campeona Reservada den Inter-2024.
Ta bay mira con e ta bay midi cu “Polvora de los Reyes” si
nan topa otro den Gran Campeonato, cu t’e yegua domi-
nante di Myron Wever, pero cu den e ultimo competencia
no a sali. E yegua cu a impresiona y bira e Gran Campeon
den nos ultimo feria ta “Florentina” di Villa Floralina. Y si
esey ta poco tin “Azucada” di Criadero Alma cu tampoco no
a sali den nos ultimo competencia y t’e Gran Campeon di
Interpaso y cu ta un fuerte contendora.
Nos tin basta tempo no a mira tanto calidad den yegua. Tur
e cabaynan aki menciona prome tin cu yega na clasifica p’e
Gran Campeonato, y di eynan lo wak cua lo bay cu e titulo
maximo n’e final di e anochi.
