Page 9 - AHATA

Diahuebs, 15 Mei 2025 AWEMainta LOCAL 5

Positividad toxico:

Hari a pesar di dolor no ta sanacion

DEN un mundo yen di frase motivacional, selfie hariendo, y mensa-
henan manera “pensa positivo” of “good vibes only,” ta facil pa

sinti manera no tin espacio pa tristesa, frustracion, of miedo.
Aunke positividad por ta un herment poderoso, forsa esaki tur
ora – hasta ora bida ta duro – por bira algo dañino. Esaki ta loke

psicologonan ta yama positividad toxico.
Positividad toxico ta e idea cu no obstante con dificil of doloroso
algo ta, nos mester mantene un perspectiva alegre y optimista.
Aunke keda cu speransa ta importante, ignora emocionnan nega-
tivo of presiona otro pa “djis ta positivo” por invalida luchanan

real. E ta transforma loke mester ta un mentalidad di apoyo den
un forma di negacion emocional.

Imagina bo ta bisa un hende cu ta den luto, “Tur cos ta pasa pa
un motibo.” Of responde na ansiedad di un amigo cu, “Djis no
preocupa – keda positivo!” E frasenan aki por ta bon intenciona,
pero hopi biaha nan ta cera emocionnan genuino. En bes di yuda,
nan por haci un hende sinti culpabel pa sinti malo – como si nan

tristesa ta un fracaso personal. Positividad toxico tambe por
hiba hende na suprimi nan emocionnan, pushando dolor of rabia
profundo pasobra nan ta sinti cu expresa esaki lo ta robes. Cu

tempo, e represion emocional aki por aumenta stress, ansiedad,
y hasta problemanan di salud fisico. Sanacion real no ta bin di
ignora dolor – e ta bin di enfrenta esaki, procesa esaki, y traha
atraves di esaki cu honestidad y apoyo.

E ta specialmente peligroso riba rednan social, unda realidadnan
filtra ta crea e ilusion cu tur otro hende ta feliz y prosperando.
Esaki ta crea presion pa perform felicidad y sconde luchanan,

hasta ora nos ta sufriendo paden. E ta haci hende sinti isola,
como si nan ta e unico cu ta sinti dolor den un mundo yen di “bon
vibracion.”

Pues, kico ta e alternativa?

Positividad real ta nifica ta honesto tocante dolor y scoge
speransa toch. E ta trata di bisa, “Esaki ta dificil, pero mi ta haci-
endo mi best.” E ta trata di scucha un amigo sin ofrece solu-

cionnan rapido. E ta trata di sa cu emocionnan manera tristesa,
rabia, y luto no ta debilidad – nan ta parti di ser humano.

Nos mester crea espacio pa combersacionnan real cu ta inclui
tanto luz como oscuridad. Asina nos ta construi conexion y sana-

cion berdadero. Anima resiliencia no ta nifica brasa dolor. E ta
nifica reconoce esaki, valida esaki, y yuda otro atraves di esaki –
no rond di dje.

Na final, no ta trata di ta negativo. Ta trata di ta real. Y tin biaha,
e cos mas positivo cu nos por haci ta sinta cu un hende den su
dolor y bisa, “Mi ta mira bo, y mi ta aki.”