Page 15 - ATA JAN 15,2016

32 AWEMainta Diabierna, 15 Januari 2016

Reconocementonan Sv Britann
di fin di aña na Vitamalt t
Caribbean Palm Real Pied
Village Resort den Copa

DOS DEPARTAMENTO sumamente

eficiente y competitivo na Caribbean Palm
Village Resort a comparti e di 4 reconocemento
anual di fin di aña.

E Front Desk y Hotel Reservations, cual ta
e ganado di aña pasa, y e Housekeeping
Department, tur dos a wordo honra e siman
aki cu e Premio di Departamento di Aña, p’e
hecho cu nan a mantene e standard di mas halto
durante henter e aña y nan a provee servicio
di cliente di e nivel di mas halto na e doño- y
huespednan di e resort.
E premio tambe ta significa cu nan a logra e
metanan di departamento, manera aproba
pa e Hunta di Directiva, y tambe a logra top
evaluacionnan den e Encuesta di Satisfaccion
cu Servicio di Cliente cu ta wordo suministra tur
siman na e resort.

Adicionalmente, segun Miembro di Directiva Dr.
Zendzian, miembro di ambos departamento a
demostra nivelnan halto di compromiso na logra
e metanan di nan departamento. Nan a demostra
tremendo calidad di por traha como un ekipo,
como tambe dedicacion na mehoracion.
Dr. Zendzian tabata specialmente contento cu
e meta di ricibi un evaluacion cu ta surpasa
espectativanan di satisfaccion di huesped pa aña
2015, unda cu e huespednan a yena e encuesta
na momento di nan despedida.
Un di cada dos persona, Dr. Zendzian a splica,
ta laga nos resort na final di su vakantie,
declarando cu nan experiencia a surpasa nan
espectativanan, cual ta algo cu nos por ta
sumamente orguyoso di dje.

E ceremonia di premiacion a tuma luga na Sweet
Peppers Restaurant y a elogia e departamentonan
excelente pa nan trabou. E premio ta uno
rotativo, y lo wordo entrega cada aña na e ekipo
ganador, basa rib’e resultadonan di e resort su
Encuesta di Satisfaccion cu Servicio di Cliente,
cual ta wordo yena pa miembronan y ta refleha
nan opinion- y pensamentonan.

Miembronan di ambos departamento por ser
mira akinan hunto cu Miembro di Directiva
Dr. Zendzian, gerente general interino Astrid
Muller, y miembronan di e comision ehecutivo
celebrando nan decoracion tan mereci pa 2015.