Page 29 - ATA
P. 29
Actriz Mericano saca for di Hotel na
Aruba ta ventila riba internet
Posted on 06/25/2018 5:37 pm AST | Updated on 06/25/2018 5:39 pm AST
ORANJESTAD – E actriz transexual Mericano Dominique Jackson di e serie di
television ‘Pose’, a protesta riba internet pa prensa Mericano cu e la wordo saca di un
hotel na Aruba den weekend, pasobra e no kier a drumi cu un homber ‘blanco’, segun e
portal di artista 'Hornet'. Jackson a graba un video cu su comentario, para dilanti di e
hotel Barcelo splicando cu a sake, siendo cu e la paga 5000 dollar pa su vacacion.
KICO A PASA DOMINIQUE JACKSON
Jackson ta un artista di color, parti di e elenco di e serie Pose riba e canal di television FX
Network, unda cu e ta hunga e papel di 'Elekra Abundance' y ta di vacacion na Aruba.
Pero ora cu el a keda expulsa di e hotel, e no a perde pa gana y a bay media Mericano
mesora. E ta splica cu tabatin henter un drama cu polis na su porta di hotel, cu a bin
sak’e, pasobra segun e homber ‘blanco’, e la pone na berguensa door di nenga di drumi
cune. E portal Hornet ta un di e portalnan cybernetico cu a carga e storia, completo cu
potret. E portal a bisa cu a tuma contacto cu e gerencia di hotel pero no a logra ainda.
