Page 25 - Min.soc 17 March 2015

* Bo partner a ‘move on’….. y bo famia awo?
Team di Prevencion di D.A.S Seccion Bida y Famia ta consisti actualmente di
sra. Monét Jones y sra. Michemine (Mily) Molina- Granviel. Nan kier gradici Tienda di Educacion y
Enseñansa pa empleo pa nan tremendo cooperacion continuo.

http://www.24ora.com/local-mainmenu-5/93001-departamento-asunto-social-cu-curso-pa-mayornan

Mervin Wyatt-Ras: Preparacion pa tratamento di cambio di
nos Codigo Civil lo continua

Monday, 16 March 2015 17:52
Comparti

Parlamentario Mervin Wyatt-Ras ta informa cu dialuna atardi a reuni cu diferente organisacion
y instancia den e comision encarga cu Asuntonan Social
, Famia, Cuido di nos Grandinan y Salubridad encuanto di cambionan di nos Codigo Civil. Presente
tabata representantenan di Fundacion Guia Mi, Centro Orthopedagogico, Casa Cuna, Fundacion Telefon
pa Hubentud, Tienda di Educacion, Buro Sostene Mi, Fundacion Respeta Mi, Fundacion Pro Lechi
Mama, hobennan y directora di Parlamento Hubenil, Fundacion pa nos Muchanan y kinderhuis
Imeldahof. Diferente di e instancianan a trese nan preocupacionnan padilanti y hasta a bin cu
proposicion concreto pa cu cambio di e ley. Esaki den bienestar di nos muchanan cu ta victima di abuso y
maltrato ampliando entre otro tareanan di e meldpunt contra di abuso di mucha. E cambio di ley pa loke
ta trata educacion di nos muchanan sin violencia fysico y mental a carga aprobacion di esnan presente,
hasta cu lo mester haci esaki mas fuerte ainda, unda cu lo tin cu proteha e mucha contre di negligencia y
violencia domestico tambe. Pa loke ta trata e cambionan regardando verlof di embarazo y parto y esun di
cria baby cu lechi materno tambe a remarca cu mester sali na defensa di mamanan, no solamente na pia
di trabou pero tambe esnan cu ta bai skol. E parlamentarionan presente a haci preguntanan dirigi na e
instancianan. Presidente di e comision Wyatt-Ras ta haya di importancia pa skucha instancianan social
pa loke ta trata proteccion di nos muchanan. A palabra cu lo ricibi comentarionan por escrito no mas
tarda cu fin di maart venidero. Presidente di parlamento cu tambe tabata presente a trese padilanti cu
parlamento ta trahando tambe ariba e ley di ombudsman pa mucha y cu na su debido tempo lo desea
comentario di instancianan social. Wyatt-Ras ta remarca cu ya hunto cu su colega, den e comision di
Justicia, a reuni cu cu varios profesional, orde van advocaten, Notarionan, Directie Wetgeving,
Departamento pa Asuntonan Social y Voogdijraad durante un presentacion di professor de Boer tocante
e ley. Wyatt-Ras ta spera cu pronto por ricibi tur remarca por escrito di e diferente instancianan pa por
trata e ley den Reunion Publico.