Page 14 - AM200409
P. 14
14 AWEMainta Diahuebs, 9 April 2020
Condecoracion Real 2020 adapta
lo tuma lugar diabierna 24 di april
Kanselarij der Nederlandse Orden a anuncia riba 25 di maart pasa cu
e Condecoracion Real (Algemene Gelegenheid - lintjesregen) planea lo
continua riba 24 di april proximo, aunke na un manera adapta.
Dia 23 di april Gobernador, Alfonso Boekhoudt, lo tuma contacto telefo-
nico cu e ciudadanonan Arubiano cu lo ricibi un Condecoracion Real pa
informa nan cu Su Mahestad e Rey tin e placer di condecora nan den un
Ridderorde.
Dia 24 di april lo publica un edicion special di e Gaceta Oficial (Sta-
atscourant) den cua nomber di tur e condecoradonan ta menciona.
Di e forma aki tur esnan cu a haci un contribucion special na comunidad
tog por haya nan aprecio, aunke entrega di Condecoracion Real mes no
por tuma lugar mas riba 24 di april. Debi cu e ceremonia di entrega di e
Condecoracionnan Real no por tuma lugar riba 24 di april, lo busca un
momento denter di Reino unda ainda e por tuma lugar.
Riba ki fecha e por tuma lugar ta depende di desaroyo di e coronavirus.
Den linea cu adaptacion di Condecoracion Real 2020, e Oranjeviering
anual, un recepcion festivo ofreci dor di Gobernador na ocasion di haci-
mento di aña di Rey, tampoco lo tuma lugar e aña aki riba 24 di april.
Parlamentario drs. Shailiny Tromp-Lee cu
palabra di gradicimento y deseo di forsa
AYERA, 8 di april 2020, a trata e crisis y maneho encuanto COVID-19
den Parlamento.
Shailiny Tromp-Lee a cuminsa su discurso durante reunion publico ca-
minda el a gradici y desea forsa y hopi sabiduria y inteligencia na Gobi-
erno, Crisis Team, Operationeel Team y tur trahador cu ta traha den e
sector di cuido y di husticia.
Tambe na tur comerciante cu ta sostene e proceso necesario pa nos fami-
anan por tin aceso na tur loke ta forma parti di nan necesidad basico.
Alabes Shailiny Tromp-Lee a manda palabra di forsa y aliento pa tur cu
ta lucha cu e virus aki y tambe pa nan famia. Tambe pa tur nos pacien-
tenan den hospital cu no por ricibi bishita y mester pasa e tempo dificil
aki nan so.
