Page 37 - Djarason 14 mart 2018.pdf

Djarason 14 Mart 2018 37

El a ninga pero hues no a kere
Pushamentu di miembro VKC a

kosta akusado 710 florin di but

WILLEMSTAD.- Korte di promé instansia a trata vários kaso ayera ku a tuma
lugá durante marchanan
di karnaval. Ta trata di e
proyektonan “Aktua robes
sintié un bes i tambe “Ta
basta awor”, ku Ministerio
Públiko a bin kuné den
estrecho koperashon ku
Kuerpo polisial, pa purba
mas tantu posibel pa
kosnan kana bon durante
marchanan, mirando
kuantu problema sa tin
durante e temporada aki.
Durante un di e
kontròlnan ariba menshoná,
e hòmber R. Pieter (23) a
aviso@extra.cw keda detené, despues ku
el a keda akusá di a stot
un miembro di VKC den su
pechu.
Segun e verbalisante, e
hòmber a dal e den su pechu,
di kual el a sinti basta doló.
E akusado a ninga esaki
redondamente na warda
di polis. El a splika ku e
tabata pará ta wak karnaval
i direpente a mira un polis
tabata atendé ku un hòmber
ku un suèter koló ros.
Mesora el a kore bai wak,
pa motibu ku su tata tabata
fuma i e tambe tabata bistí
na ros. El a splika ku ora
el a yega pa wak kiko ta
pasando, un miembro di
VKC a push’é den su pechu i
bis’é hala patras.
Segun e akusado, ora e
kier a ranka pa bai bèk, nan
a tené ku e no por a hasi
nada.
Fiskal a haña e
akusashon probá i a bisa ku
esaki no ta keda akseptá.
Fiskal ta hasi un demanda
di fl510,- di but.
E akusado no a presentá
den sala pa responsabilisá
su mes pa su akto.
Fiskal a bisa ku mirando
ku e akusado no a paga e
montante promé ku 28 di
febrüari, e but a subi bira
fl710,- òf 14 dia prizòn.
Segun hues den
su desishon, for di e
deklarashon di e akusado
mes, por konkluí ku el a
kometé e akto.
Hues a duna di konosé
ku e no tin motibu di
duda den e deklarashon
di e verbalisante i ta bai
kompletamente di akuerdo
ku fiskal.

di nos e ta