Page 39 - Djarason 14 mart 2018.pdf

Djarason 14 Mart 2018 39
Mr Robert Frans di Frans &Associates a forma parti di tim defensa

Gerente Sai Bank apsolvé di

akusashon kaso Odebrecht

WILLEMSTAD.- Un
desishon di hues na Ecuador
e siman aki, a papia palabra
kla. E gerente di Sai Bank,
Juan Pablo Eljuri Vintimilla
no ta keda akusá den e kaso
di Odebrecht.
Manera ta konosí,
despues ku a sali na kla e
sospecho di iregularidatnan
den Odebrecht na Ecuador
a menshoná tambe Juan
Pablo Eljuri Vintimilla ku ta
invershonista i gerente di Sai
Bank aki na Kòrsou.
E siman aki e kaso a
tuma lugá kontra Juan Pablo
Eljuri Vintimilla ta Ecuador.
Durante di e kaso aki tambe
tabata presente di Kòrsou
mr Robert Frans di Frans &
Associates ku a forma parti
di e tim di defensa ku na
kabes mr Emiliano Donoso
abogado na Quito ku su
bufete Donoso &Donoso. E
bataya tabata fuerte pero
e resultado tabata unu
satisfaktorio na fabor di Juan
Pablo Eljuri Vintimilla.
Sr. Eljuri Vintimilla a
keda akusá inhustamente
di a kondusí aktividatnan
bankario ilegal via di Kòrsou
den banko na Ecuador i
tambe a afili’é na e kaso di
korupshon Odebrecht. Juan
Pablo Eljuri Vintimilla a
biba e proseso aki durante di
2018 i dia 12 di mart último
el a keda notifiká ku e ta for
di sospecho. E notisia aki
a kousa sorpresa ya ku na
òktober 2017 a a keda dikta
prisòn preventivo kontra di
dje komo medida temporal,
asta a bistié banchi
elektróniko. For di desèmber
tabata sperando un desishon
di fiskal. Finalmente a keda
bon kla trese dilanti ku Juan
Pablo Eljuri no ta direktor
di e entidat finansiero di
Sai Bank na Ecuador, e no a
habri e kuenta di Sai Bank
Kòrsou den e banko Capital
di Ecuador i no tabatin firma
outorisá pa esaki i e no tabata
konosé su movementunan òf
karakterístikanan.
Mr Robert Frans a keda
pidi personalmente pa asistí
sr Eljuri i su banko komo
konsehero lokal den e kaso
aki.
Robert Frans komo
abogado i konsehero legal
a duna su kontribushon pa
loke ta aspektonan legal
lokal ku tabata relevante pa
e kaso.