Page 40 - Djarason 14 mart 2018.pdf

40 Djarason 14 Mart 2018
Telefòn selular ku software spesial ku

no por keda skuchá pa tersera
Kompania ulandes introdusiendo software

WILLEMSTAD. - Un
kompania ulandes ta bai
introdusí un software
pa telefòn selular, ku ta
hasi e kombersashonnan
telefóniko “encrypted”
primeramente e kompania ta
dirigí su mes riba e merkado
di abogadonan ku mester
tin e libertat i trankilidat
pa papia na nan telefòn
sin tin e preokupashon ku
nan lo keda skuchá i na di
dos lugá lo duna servisio
na tur otro instansianan
ofisial ku tin sekreto di
trabou pa defendé.Un di
nan ta periodista, ku tambe
a keda menshoná den e
nòmbernan di profeshon ku
e kompania aki lo bai dirigí
su mes na nan. E servisio
ta pasa via di Bulgaria. Ta
trata di un kompania basta
grandi ku tin vários otro
servisio ku nan ta duna
na militarnan, hustisia
i asta kompanianan
farmaseutiko. E kompania
ta spesialisá tambe den
‘otro tipo di ‘software” nan
di seguridat.
E kompania ke traha
den un forma reglá i nan
lo no bende ken ku ta e
“software” aki. Un hende
mester proba ken e ta,
si e ta un abogado, un
funshonario sekreto pa lei,
periodista, e ora ei nan mes
ta instalá e “software” den
e telefòn.
Na Ulanda a lanta un
BV spesial pa atendé e
servisio aki i e kompania
yama “Secret Holder
Communications. E telefòn
ta e marka HTC.
Manera ya menshoná,
e kompania lo investigá si
bèrdat e kliente ta okupá
un di e preshonnan ariba
menshoná i lo firma un
kontrato ku e kliente ku ta
bai di akuerdo ku e lo no
hasi mal uso di e “software”
i tambe nan tin di paga
un abono tur luna. Komo
ehèmpel, pa abogadonan,
e abogado mester afiliá na
Orden di Abogado.
Den kaso di
periodistanan, nan
mester ta afiliá na
“Nederlandse Vereniging
van Journalisten”.
E kosto lo ta haltu i
abono lo kosta mas o ménos
2000 euro pa aña.
Esaki ta un forma pa
por garantisá entre otro
abogadonan un forma
di komunikashon mas
trankil sin mester pensa ku
posiblemente nan lo keda di
tap òf skuchá pa tersera.