Page 5 - AM201120

Diabierna, 20 November 2020 AWEMainta 5

Derechonan di mucha mester keda salvaguardia

semper y mas ainda den e temponan dificil aki

Parlamentario Jennifer Arends-Reyes (AVP) ta

haya cu dia 20 di november ta un fecha cu mundo ta
para keto un biaha mas riba e derechonan di mucha.
Durante e temporada di Pandemia e muchanan
full rond di mundo a sufri hopi a consecuencia cu
hopi famia a keda sin trabou y na Aruba no ta un
excepcion. Mayornan a haña nan den situacionan
nunca antes cu nan a experiencia sin trabou, hopi
menos entrada, cuminda cu ta bira dificil pa yega
na dj’e y cu nan mester a sali di nan cas, a perde
nan cas, auto y hasta ta bibando sin meter di awa y
tin biaha sin coriente.

E impacto social y emocional ta grandi riba e
famianan. Muchanan na Aruba y mundo henter
mester wordo protehi y nan derechonan pa por ta
mucha mester ta central.
Famianan na Aruba ainda ta pasando hopi trabou
y basicamente tur plazo di pago a caba siendo cu e
entrada y trabou manera antes no tey. E continuidad
y crecimento di turismo ta depende tambe di con

abou nos por logra mantene e casonan activo y
miles di trabou y famia ta wardando pa economia
por cuminsa draai un poco mihor. Ainda buelonan
ta yegando Aruba pero hopi di e stoelnan ta bashi.

Ta temponan sumamente dificil pa mayornan, pero
e temporada cu e muchanan ta mucha y ta crece no
ta bin bek mas. Ta sumamente esencial p’e cariño y
cuido di nos muchanan keda central den cada cas.
Cada mucha tin derecho riba un famia cu conoce
amor, cariño pa otro y comprension p’asina nan

por desaroya optimalmente, tambe sin lubida p’e
cuido di salud di nos muchanan, mester percura pa
hiba nan dokter of tambe Wit Gele Kruis y pa tuma
nan vacunanan pa nan no bira hopi malo.
Ya diferente pais conoce brotenan pisa di diferente
malesa contagioso di mucha caminda cu nan no tin
e aceso na vacunanan.
Instancianan y Gobierno mester continua di haci
nan mayor esfuerso pa casonan cu ta involucra

muchanan tin preferencia y wordo yuda cu
urgencia.

Si tin pensa di introduci meter di awa pre- pago
pa Aruba mester percura pa agilisa e proceso pa
introduci esaki pa Aruba pa casnan especialmente
cu mucha no mester pasa trabou riba dje pa
mantene hygiena tambe den un temporada di
pandemia. E alegria y bienestar di nos muchanan
ta den man di mayornan y den e temponan insigur
aki mester percura pa haci e maximo esfuerso pa

nos muchanan ta sano, feliz y sinti nan mes stima
señora Arends-Reyes ta termina bisando.