Page 13 - AHATA

Diabierna, 22 Maart 2024 AWEMainta INTERNACIONAL 13

Miles di indigena ta confina pa tiramento na Colombia

MAS di tres mil persona, perteneciente na 18 comunidad indigena, ta confina den varios zona di e municipio di Corinto
(Cauca), memey di e confrontacionnan cu a cuminsa di nobo entre e Ehercito y e Estado Mayor Central (EMC) di e disidenci-

anan di Fuerzas Armadas Revolucoinarias de Colombia (FARC).

E combatenan a tuma luga den e coregimientonan di Quebraditas, Media Naranja y Rio Negro den e contexto di e suspension
di e bahamento di arma bilateral entre e Gobierno y e grupo arma aki, desde diaranson ultimo, den e departamento di Cauca,

Valle del Cauca y Nariño.

E autoridad indigena di Corinto, Elkin Pilcue, a
bisa Blu Radio cu "e temor latente t'ey" n'e posi-

bilidad cu e combatenan den e zona aki cuminsa
di nobo. P'esey el a pidi pa no realisa e enfrenta-
mentonan cerca di e poblacion civil.

Suspension di e bahamento di arma (cese al
fuego)
Den un video publica riba e rednan social por
a scucha rafaga di mitrailleur producto di e

combatenan entre e Frente Dagoberto Ramos
di e disidencia di 'Ivan Mordisco' y ehercito, den
varios zona di Corinto.

Diadomingo ultimo, e presidente di Colombia,
Gustavo Petro a ordo pa reanuda e ofensivo di
e Forsanan Militar contra di EMC, despues cu un
poblacion indigena a wordo ataca den e muni-

cipio di Toribio, bisiña di Corinto y un lider di e
comunidad nasa lo a resulta morto.
Autoridad a ofrece un recompensa te cu 7,7
miyon dollar pa informacion riba seis integrante

di Frente Dagoberto Ramos, kendenan lo a
participa den e echonan violento di Toribio.