Page 5 - MIN ON_Neat
P. 5
FCGA: Bon gobernacion, mal
politica
3 May, 2017
0
De bes en cuando mi carson casi literalmente ta cay na suela cu cierto
declaracion di gobernante. Tuma por ehempel Minister Hooyboer-Winklaar. E
kier laga investiga si e ‘administracion financiero na Colegio Arubano (SMOA) ta
corecto y como debe ser’. Ademas e kier mira si tin posibel conflicto di interes
cu ‘entrega di material na e scol y cierto funcion delicado’. Finalmente e kier
reemplasa henter directiva di Colegio Arubano.
Sin mas ta bon si ta controla e administracion financiero di cualkier
organisacion. Pero esey mester tuma luga continuamente y no solamente den
situacion di conflicto. Den esey e ministera scoge hustamente e victima robes.
SMOA ta un di e masha tiki fundacionnan cu ta entrega su cuenta anual tur aña
sin excepcion prome cu 1 di April. Hopi instancia por tuma un ehempel na esey.
Specialmente Gobierno. Pasobra den e ultimo 55 añanan nunca gobierno a
entrega un cuenta anual aproba. No solamente hopi di nan regularmente
ta(bata) varios (te hasta 10!) aña lat, pero nunca control efectivo di accountant
por a tuma luga. Hopi documentacion tabata falta y tabatin cantidad di otro
fayo. Robo y yen di otro tipo di malversacion por (a) tuma luga facilmente. Lo
cumbini tur hende, incluso minister Hooyboer-Winklaar mes, mas si e como
