Page 8 - MIN ON_Neat

Oposicion uni contra Paul Croes pero dividi riba
parkeermeters

Wednesday, 03 May 2017 08:03
Comparti

E fraccion di MEP a presenta 2 mocion durante e reunion relaciona cu e investigacion contra Minister
Paul Croes, mientras cu AVP a emiti 1 mocion aden. Solamente esun di AVP, regulando e asunto di atrae
mas cliente pa Caya Betico Croes a pasa cu un mayoria.

Remarcabel ta cu e mocion di MEP pa retira Paul Croea como Minister tabata motibo pa union
MEP/POR. Pero, ora e partido geel a presenta mocion pa elimina parkeermeters y klem, ehecuta dor di
ex Minister y actual lider di POR Otmar Oduber, mesora e union a kibra. Tanto Andin Bikker, cu antes
tabata masha fuerte contra parkeermeters y Marisol Lopez a opta pa no vota pa e mocion di MEP pa no
laga nan lider cay. E realidad sinembargo ta cu e comerciantenan cu a protesta awe den Parlamento
tabata enfatico contra e forma dictatorial y sin dialogo cu cual Otmar Oduber a ehecuta e proyecto aki.
No ta straño e ora tampoco cu henter e proyecto a fracasa y no a logra ni e meta y ni cera e buraco
financiero den Arubus. Tanto Bikker como Lopez a bisa cu nan no ta vota riba parkeermeters pasobr esey
no tabata tema di e reunion di awe.