Page 7 - MIN ON_Neat

e gastonan concretamente. Pero…ta su mesun gobierno a percura p’esey!
Pasobra ta ken a acorda e aumentonan di premie cu Afl. 300,- pa aña pa tur
empleado publico desde 2017 te cu 2024 cu ta costa decenas di miyones extra?
Acaso esey no tawata un decicion di e gabinete actual di AVP pa lembe e
sindicatonan di personal di Gobierno? Y su gobierno acaso no ta carga
responsabilidad pa no introduci e reformacion di e areglo salarial di empleado
publico (HBRA) cu ta warda varios decada caba pa su ehecucion?
E minister-experto sa masha bon kico e problema ta y sin mas e sa tambe con
pa solucion’e. Pero mescos cu tabata e caso cu introduccion di accijns di gasolin
pa pone un fin na e miseria di number di auto y e introduccion di un areglo nobo
di impuesto, cualnan a keda bari for di mesa pa su hefe pasobra nan no tabata
‘politicamente oportuno’, tampoco ta busca awor un solucion efectivo pa e
problema di gasto di personal. Specialmente no den tempo di eleccion!
Di e manera aki minister-experto Bermudez, mescos cu e filosofo anterior di
partido AVP, ta baha su cabes pa e oportunismo politico di su gobernacion y e
tambe ta experiencia cu ‘good governance ta bad politics’. Sinembargo, como
experto financiero e sa miho cu cualkier otro persona cu ‘politica-manera-nos
conoce’ sin mas ta hiba na bancarota di Aruba. Pues ta parce cu e como
experto-minister ta conforma su mes cu su ‘coleganan politico’ cu ta hiba Aruba
cada bes mas leu den un abismo. Mientrastanto e, mescos cu su coleganan
Hulandes, ta warda te ora cu waf ta para e barco.