Page 8 - ARUPARKING OCT 23, 2015

Turistanan ta haya cu nan no ta bon informa riba meternan
di parkeer

Publication: Friday, 23 October 2015. Categoria: General

*Muher Mericano cu tata handicap ta haya klem na wiel

ORANJESTAD (AAN): Diahuebs un señora Mericano hunto cu su mayornan di edad a presenta na DIARIO,
pa trece dilanti un preocupacion cu nan tin, despues cu nan a haya nan mes confronta cu e asunto di
parkeer meter.
E señora a indica cu el a bay cu su mayornan na Seaport Casino y a dicidi di staciona su auto dilanti di
Seaport Cinema, unda cu semper e tabata custumbra di staciona su auto, den e varios añanan cu e
tabata bishita Aruba.
Pa su sorpresa, ora cu el a bin bek na e auto, el a ripara cu nan a pone un klem di wiel.
E mester a paga 75 florin pa e klem wordo kita y a keda hopi desapunta y un tiki rabia pa locual a
sosode.
El a wordo splica cu el a staciona mey mey di lineanan geel, cu ta pa hendenan cu tin un permiso special
pa staciona eynan.
Problema ta segun e señora, cu e y su mayornan a caba di bin Aruba bek despues di 1 aña y nan no
tabata sa cu awor mester paga pa staciona tur caminda na playa.
El a bisa cu no tin un borchi bon suficiente pa mustra cu hende tin cu paga.
Sigur no na e parti unda cu el a drenta parkinglot cu su auto.
El a wak si despues un borchi hopi chikito, pero na otro banda.
E señora no ta mucho amante di e idea cu awor tin cu paga pa staciona auto y e y su mayornan ta di
pensamento cu asina playa ta bay perde hopi cliente.
Pa colmo tata di e señora tin un handicap fisico parcial y despues di cana full for di e casino pa unda e
auto tabata staciona, nan a ripara cu e klem tabata poni.
Pa e tata no warda den solo cayente, e mester a cana hibe bek te casino pa e warda pa e multa di 75
wordo paga, pa e klem wordo kita.
DIARIO a splica e turistanan cu durante e conferencia di prensa di Aruparking na inicio di tur cos, nan a
splica cu e turistanan ora cu nan bay huur auto, lo haya na dado momento un carchi special cu cual nan
por paga pa staciona auto.