Page 9 - ARUPARKING OCT 23, 2015

Sinembargo, e turistanan a splica DIARIO cu ora cu nan a huur e auto nan no a haya ni informacion
tocante e parkeer meters, corda e carchi.
E señora a splica cu turistanan cu bin mester haya e informacion, pasobra varios otro turista ta bay haya
nan mes den e mesun problema.
Riba mesun dia e mes a adverti otro turistanan cu a para nan auto unda cu tin strepi geel, pasobra nan
no tabata sa.
E señora a indica na DIARIO cu e lo bay bestuurskantoor pa papia cu e Minister encarga pa trece dilanti
su preocupacion, pasobra henter e asunto aki ta pone cu nan no tin gana di bay playa mas, sino keda e
ora ey den area di Palm Beach.
Ora cu DIARIO a bisa e turistanan cu Gobierno tin e intencion di pone meternan di parkeer tambe den
area di Palm Beach, e turistanan a keda babuca.
“Semper Aruba tabata un happy island, ta kico a sosode ultimo tempo anto?”, segun e turista.
http://www.diario.aw/2015/10/turistanan-ta-haya-cu-nan-no-ta-bon-informa-riba-meternan-di-
parkeer/