Page 15 - BAHAN AJAR FLIPBOOK

A. Nyemak Crita Rakyat

Semaken crita ing ngisor iki kanthi premati!

Dumadine Cabean Kunti

Sawijing jaman ana kraton kang mapan ing sisih wetan Gunung Merapi arane Pengging.

Pengging iku daerahe subur lan masyarakate urip kanthi tentrem. Banyu bening lan deres kang

mili nggawe tetanèn lan ingon-ingon kewan ing dhaerah kono dadi maju banget. Hawa gunung

kang kang isih resik anggawe katon kamakmuran

ing daerah kono.

Semono uga karo salah sawijining tlatah ing

lereng Gunung Merapi, yaiku ing Cepogo. Cepogo

sing mapan ing lereng gunung Merapi iki hawane

adem, ayem, alas wit-witan sing rikat, ndadekake

papan iki narik kawigaten kanggo ditekani,

utamane kanggo mburu. Kaendahane papan iku

bisa narik kawigatene salah sawijining pawongan

kang jenenge Joko Bandung.

Joko Bandung seneng banget mburu kewan-kewan. Anggone mburu kewan iku wis wasis

banget, lan mesti oleh akeh. Asil saka mburu iku mau, asring diparingake marang masyarakat

sing manggon ing sakiwa tengene alas. Nanging, saka kabeh ketrampilan mburu, Joko Bandung

paling seneng mburu manuk.

14 | S M P K E L A S V I I