Page 12 - BAHAN AJAR FLIPBOOK

4. Paraga lan Penokohan
Paraga yaiku tokoh utawa lakon kang ana ing sajroning crita. Paraga iku ana paraga
utama lan paraga pembantu. Miturut watak e paraga iku kaperang dadi 3, yaiku antagonis,

protagonis, lan tritagonis.
Penokohan yaiku cara pengarang nggambarake lan njlentrehake karakter tokoh ana
ing crita. Teknik kanggo nggambarake karakter tokoh iku ana loro, yaiku:

a. Teknik analitik yaiku karakter/watak tokoh kang dijentrehake kanthi langsung dening
pengarang.

b. Teknik dramatik yaiku karakter tokoh kang dijlentrehake kanthi penggambaran kaya
ing ngisor iki:

1) Bab fisik lan tindak-tanduke.
2) Lingkungan kauripan tokoh.
3) Tata basane tokoh.

4) Dalan pikirane tokoh.
5) Dening tokoh liyane.

5. Amanat
Ajaran moral utawa pesen kang ana ing sajroning teks. Saben crita rakyat kuwi

minangka sarana kanggo marisake nilai budi pekerti luhur marang generasi sateruse. Nilai
budi pekerti utawa pesan moral bisa dijupuk saka isine teks kanthi njingglengi watak lan

perilakune paraga ing teks.

11 | S M P K E L A S V I I