Page 11 - BAHAN AJAR FLIPBOOK

Padha karo karya sastra liyane teks crita rakyat uga nduweni unsur-unsur kang mbangun cerita
rakyat.

1. Tema
Tema yaiku ide pokok utawa masalah utama kang ndasari lakuning crita. Tema iku dadi

perangan kang wigati ana ing teks sastra, mangkono uga ing crita rakyat.

2. Latar
Latar iku mujudake papan, wektu, lan swasana cerita iku dumadi. Ana ing cerita

rakyat latar iku ana 3, yaiku latar panggonan, latar wektu lan latar swasana. Latar
panggonan yaiku latar kang dadi papan panggonan crita iku kadadean ana ing crita kang
dicritakake. Latar wektu iku ngandharake wektu crita iku kadadean. Dene latar swasana

iku nudhuhake swasana nalikan crita iku kadadean.

3. Alur/Plot
Urut-urutaning prastawa utawa kadadeyan. Alur uga diarani lakuning crita. Alur iku
ana 3, yaiku alur maju, alur mundur, lan alur campuran. Alur maju iku wujude crita kang

maju saka wiwitan nganti pungkasan. Alur mundur iku wujude crita saka pungkasan nganti
wiwitan. Dene alur campuran iku wujude crita kadhang kala maju, nanging kadhang kala

mundur. Alur crita kaperang dadi bageyan-bageyan kaya ing ngisor iki:
a. Pengenalan bab situasi utawa kahanan crita.

b. Panjentrehe kedadeyan.
c. Nuju ana ing konflik.
d. Pucuking masalah.

e. Rerapungan.

10 | S M P K E L A S V I I