Page 505 - BUKU III BAHASA JAWA

Pewara (pranatacara)
Tembung pranatacara iku asale saka tembung lingga tata
lan acara. Tata tegese tatanan, dene acara ngemu teges
pahargyan. Dadi tembung pranata cara mau ngemu teges
wong sing kajibah nata lakune adicara. Pranatacara uga
bisa karan pranata adicara, pranata titilaksana. Dene ing
Basa Indonesia diarani Pewara, lan ing Basa Inggris

diarani Master of Ceremony (MC). Ing jaman saiki akeh
acara-acara kang mbutuhake pranatacara, kayata:
adicara ijab, temu manten, sepasaran manten,
tasyakuran, pengajian, wong kepaten, sunatan, rapat, lan
liya-liyane.

Struktur Teks Pranatacara
a. Pambuka

Sing kudu diandharake dening pranatacara ing pambuka yaiku:
1. Salam pambuka
2. Atur pakurmatan marang sing padha rawuh
3. Ngaturake pepujen marang Gusti
4. Ngaturake panuwun marang para kang kepareng rawuh

5. Mbabar dhiri
6. Nyuwun palilah
7. Ngandharake karep minangka dadi pranatacara
b. Rantaman Bakune Adicara
Bakune adicara kang bakal ditindakake ing sawijining adicara kudu diwaca lan

diandharake kanthi urut lan runtut, supaya sapa wae sing mangkone
duwe jejibahan jroning adicara bisa samapta ing karya lan sawega ing dhiri.
c. Panutup
Sing diandharake jroning panutup yaiku:
Nyethakake purnaning adicara lan wusanane

15