Page 12 - TANTRI BASA KELAS 6-min1gresik.sch.id

semaken katrangan sajerone gladhen ngisor iki, kanggo ngerteni
panganggone paribasan.

Pasinaon 2
Bebarengan Ngrembug
Paribasan

Ing pasinaon iki para siswa kaajak nggatekake teks wacan
dheskriptif ngenani unen-unen Jawa. Kaajab kowe kabeh bisa
nyumurupi apa bedane unen-unen siji lan sijine. Bebarengan karo
kancamu sajerone klompok, bisaa negesi lan mbedakake
paribasan, bebasan, lan saloka kaya kang ana sajerone wacan.

Gladhen 1: Negesi Unen-unen Sajrone Wacan

Sawise kowe kabeh bisa nyumurupi bab unen-unen, jinis
lan titikane, semaken katrangan ngisor iki kanggo ngerteni
teges lan panganggone paribasan!

Kanggo ngerteni teges lan panganggone paribasan, semaken
tuladhane paribasan ngisor iki, kepriye tegese, lan kapan
panganggone. Katrangan ngenani bab mau bisa dijupuk saka
saripatine crita utawa dedongengan ngisor iki.

Kapisan:

Upamane bab paribasan Kacang mangsa ninggala lanjaran.
Paribasan iki sambung karo critane simbahe Bima lan Rini, minggu
kepungkur:
Ana wong sugih, dolan-dolan menyang desa, kepethuk karo
bocah cilik siji, isih wuda mlaku ijen. Wong sugih mau banjur takon
marang si bocah, tembunge: “Thole, kowe anake sapa?”
Wangsulane, ora weruh jenenge bapakne, awit wong tuwane karo
pisan, wus lawas anggone mati, sarta ora ana kang gelem ngopeni
dheweke.

kaca 45 Tantri Basa kelas 6