Page 17 - TANTRI BASA KELAS 6-min1gresik.sch.id
P. 17
Unen-unen kuwi mujudake kumpulaning tetembungan
sajerone ukara. Panganggone sajerone ukara mau ora
padha karo tetembungan liyane. Rerakitan utawa
carane nyusun tetembungan mau, kudu adhedhasar
pranatan tartamtu. Tetembungane ana sing lumrah,
wantah utawa lugas. Kadhangkala asipat entar, kias.
Unen-unen pancen mujudake panganggone basa kang
khusus, mligi, laras karo karepe. Unen-unen rada beda
karo basa salumrahe. Kejaba anane teges entar mau,
pigunane unen-unen kang njalari endahe ukara,
mbangetake karep, mbutuhake tembung mligi (khusus).
Mula-bukane pancen kanggo ing jagade kasusastran,
reriptan lawas, utawa sajerone jagading pewayangan.
Suwe-suwe digunakake ing basa pedinan, reriptan
umum, lan geguritan.
Gladhen 2: Nerangake Bedane Paribasan,
Bebasan, lan Saloka
Bebarengan karo kanca-kancamu saklompok, garapen
latihan carane mbedakake paribasan, bebasan, lan saloka lumantar
isen-isenan ngisor iki. Semaken wujuding ukara, cocogna karo
jinising unen-unen lan katrangan sakburine. Isinen aksara B yen
katrangan mau pancen bener, nanging tulisen S, yen katrangan
sakburine mau salah.
No Ukara Jinise A / B
1. Ora ana kukus tanpa geni Bebasan S
2. Lumpuh ngideri jagad Paribasan B
3. Nabok nyilih tangan Saloka .....
4. Ngalasake negara Saloka .....
5. Palang mangan tandur Bebasan .....
6. Kebo nusu gudel Saloka .....
Tantri Basa kelas 6 kaca 50
