Page 141 - Modul Ajar Spenfoursada
P. 141
LAMPIRAN
A. LEMBAR KERJA PESERTA DIDIK 1 KELOMPOK A
Indayang bligbagang sareng soang-soang kelompok indik pitaken ring sor!
1. Telatarang indik teges Orti?
2. Mangda ngamolihang indik Orti sane becik patut tatas uning ring tata cara
makarya Orti punika. Napi manten sane patut kauratiang ?
3. Indayang rereh napi daging orti Bali ring sor !
4. Rereh napi artos kruna sukil sane mecetak sendeh ring wacana Demam Berdarah!
Demam Berdarah
Dibi sanja ring siaran TV ne wenten kapiragi orti indik ipun pinungkan " demam
berdarah “ sane sampun makeh mancut urip para janana. Pinungkane puniki sampun
nglimbak ring sawewengkon Bali. Kirang langkung sampun 500 diri wargane sane keni
sungkan puniki. Minakadi ring Denpasar 125 diri, ring Badung 75 diri, ring Buleleng 75
diri, ring Gianyar 125 diri, ring Karangasem 25 diri, ring Negara 25 diri, miwah ring
Klungkung 25 diri. Santukan makéh warga sané keni demam berdarah mawinan sal-salé
ring rumah sakit nénten mresidayang nampung. Sungkan “demam berdarah” puniki
kalimbakan olih legu “Aedes Aegypti” sané seneng idup ring toya-toya sané ening tur
madegdegan. Nabdabang indiké punika pamrentahé sampun mapangarah ring para
janané mangda mabersih-bersih ring genah nyané soang- soang. Utaminyané mersihin
genah-genah leguné mataluh. Minakadi mresihin bak mandi, selokan, utawi genah toyané
sabilang minggu. nagingin “abate” ring genah-genah toyané, nanem kopok wiadin botol-
botol sané nénten manggé. Lianan ring utsaha punika pamrentahé sampun taler
ngawentenang “pengasapan utawi lumbrah kasengguh fogging” ring genah wargané sané
keni demam berdarah.
Kasurat Olih : I Wayan Wésta
