Page 181 - Nji jete ne mes kosoves

178
Baran. Pas një muaji ata kthehen për Kosovë. Siç thotë Harry, përkundër vullnetit që të shihte sa më shumë bukuri të New York-ut dhe të rrethinës, dëshira e gjyshit ka qenë të kthehej në Kosovë. Edhe pse babai dhe i vëllai ishin për vizitë në Amerikë, ku me ta kishte kaluar një muaj ditë, megjithkëtë, shpirtin e tij e trazonte malli për Vranocin, ai donte të shkonte vetë atje.
Dhe kështu, pas tri vjetësh punë në Shtetet e Bashkuara të Amerikës, Metë Bajraktari niset për vizitë në Kosovë, bashkë me të shoqen e tij, Zizen, tri vajzat dhe djalin e vogël Miftarin. Atje kishin lënë një pjesë të madhe të familjes: prindërit, vëllazërit, nipërit dhe mbesat. Kishin dëshirë t’i vizitonin dhe t’ u dërgonin ndonjë dhuratë nga ky vend i largët. Gjatë bisedës që kishte pasur në Vranoc me kusherinj dhe miq, Meta u kishte treguar për kushtet në Amerikë, duke theksuar mundësitë e mëdha që ofron ajo. Tregimi i Metës për kontinentin tejoqeonik, kishte tërhequr shumëkend. Në mesin e tyre edhe të vëllain Lulin dhe mikun e tij Rrustem Gecajn, i cili sot është partner në biznes me Harry Bajraktarin.
Meqenëse prindërit shkuan në vizitë në Kosovë- punën e babait mbeta ta kryej unë, thotë Harry që asaj kohe kishte 16 vjet. Punët e kujdestarit në ndërtesë kërkonin edhe njohje të mjeshtërisë, kur prishej diçka në apartamente. Ngase ky ende ishte i ri për ta lënë vetëm, Meta kishte porositur Qazim Emrën, mikun e tij, që t’i ndihmonte kur ta përfundonte punën si llogaritar në një hotel në Manhattan.
“Mbi një muaj e kam kryer punën e kujdestarit në ndërtesë. Isha i kujdesshëm që çdo gjë të shkojë mbarë derisa të kthehej babai. Kisha mësuar disa mjeshtëri të vogla kur ishim me banesë në Manhattan. Më ndihmonte edhe zoti Emra, i cili derisa u kthyen prindërit ka ndejtuar me mua”.
Qazim Emrën, e kam njohur edhe unë si autor i këtij libri kur erdha në gazetën “Illyria” në vitin 1991. Ishte një burrë i urtë, me një kulturë qytetare dhe një njeri që kishte vuajtur shumë. Nuk ishte martuar kurrë dhe të vetmën kënaqësi e kishte Kosovën, kujtimin ndaj saj.
-Isha ende e mërzitur dhe mendoja se kur të shkoja për vizitë në Kosovë do të më largohej kjo mërzi. Nuk e kisha parë familjen time për këtë kohë sa qëndrova në Itali dhe Amerikë. Kjo ishte hera e parë që po dilja jashtë. Ta them të vërtetën, nuk di a u qetësova apo u mërzita edhe