Page 48 - Kelas XII.indb
P. 48
Palajahan 1 Mababaosan Ring Sawitra
Pidabdab 1. Ngwangun pangresep
Palajahan puniki matatujon mangda alit alité uning ring tata cara mababaosan nganggé basa
Bali. Duaning sapunika indayang uratiang pitakéné ring sor puniki !.
1. Sira kantun éling ring anggah ungguhing basa Bali?
2. Sapunapi pepalihan anggah ungguhing basa punika ?
3. Sapunapi sapatutné mabaos sareng sawitra ?
Pidabdab 2. Ngwacén Téks Bebaosan Ring Sawitra
Salah Tampi
Di samping sekolah, Di betén punyan Nagasariné
Déx Jénny keto adanné , nu masekolah di tingkat SMK, kéwala penampilanné suba cara anak
bajang Ring dina caniscara tengainé, disubanné suud malajah ia katemu ajak timpalné di sisin
jalané betén punyan nagasarinné ané landuh.
Déx Jénny : Hai Yu Dé…………éngkén kabaré,
makelo sing taén kacunduk?
Yu Dé : Becik – becik gén. Kal kija né nyéntr-
ik sajan ?
Déx Jénny : Péh cara sing nawang gaya anak muda
gén Yu…., kadén ménjepan malam
minggu…….éngkén kal bareng ?
Yu Dé : Sorry gén Déx nah , nu sibuk nok
ngwantu reramané jumah, apa buin http://cdn2.hubspot.net/hub/196592/fi le-407146869-jpg/images/lingo.jpg
tiang kondén baanga pesu kija – kija yén sing penting sajan. Buinna tiang katun-
juk milu lomba pidato basa bali olih bu guru Nérti di PSR né, to makada tiang arus
jemet ngapalang bahan pidatoné!
Déx Jénny : nu gén jadul papineh Yu né….., kan cepok aminggu sing kénkén. Adanné gén
malam minggu, apa men buin yén sing ngulurin liang apang tusing strés nengil
jumah gén, cara Yu né maopen sing nawang perkembangan disisi.
Yu Dé katlépon baan méméné,Saha ngambil Hp
Béh ketus - ketus raosné Déx Jénny, ngwalék Yu Dé. Kéwala Yu Dé sing renga
tekén raosné Déx Jénny né buka kéto, kebenengan Hp Yu Dé né mamunyi, laut
gegésonan ia nyemak uli tasné . Munyi di Hp né marawat – rawat saru kadingeh,
yén ané nélpon tuah ja méméné Yu Dé.
Mén Ayu : Yu……..yu……Hallo …..Yu ….dija né ? dadi kondén mulih ? né nak suba an-
tosanga jak I Bapa , koné kal ngalih buku imba pidato basa Bali , énggalang nak
mulih !
UDIANA SASTRA Aggah Ungguhing Basa Bali 41
