Page 52 - Kelas XII.indb

Palajahan 2 Anggah Ungguhing Basa sajeroning wacana

Pendidikan

Pidabdab 1. Ngwangun pangresep

Mabebaosan nganggé basa Bali sané becik ring kautripan patut manut ring tata kramaning
basa. santukan kehanan krama Baliné madué linggih sané sané kabaos catur warna. Mabebaosan
nganggé basa sané becik punika wantah pemargi sang mabebaos nyihnayang jati angganyané.
punika mawinan patut sesatata mautsaha mabaos sané becik. Napimalih maosang indik pendidikan.
Duaning sapunika :

1. Sira taen mirengang carita sané mapaiketan ring aksara Bali?
2. Napi kocap purdan satuané punika ?

Pidabdab 2. Ngwacén Téks Wacana Pendidikan

Teks Wacana

PANDITA AJI SAKA

Kaucap wénten Raja Raksasa Déwata Cengker wastannyané, ipun Ratu sané adigang adigung
adiguna, sané parilaksanannyané kalintang corah, sami panjak Idané kadadosang tetadahan. Déwata
Cengkar kausap nénten madrué rasa kamanusan ngantos praméswari Idané dados tetadahan ring
sajeroning ngamargiang ahangkarannyané.
Kacritayang mangkin wénten Pandita mapeséngan Sang Aji Saka, Ida pragayan wicaksana
sutresna majeng ring wong lén tur widagda ring wéda. Pandita Aji Saka madrué caraka sané satia
kalih diri inggih punika Dora miwah Sambada. Makakalih carakan Idané puniki dahat sakti,
digjaya, tumungkul miwah satinut ring sajeroning samaya. Sang Aji Saka mirengang indik Déwata
Cengker, Pandita Aji Saka nénten oneng ring kabringasannyané, salanturnyané Ida mapikayun jagi
nadah Sang Aji Saka sadéréng mamargi ka kratoné
Déwata Cengker, Pandita Aji Saka ngicénin piteket
ring Sambada mangdané ngraksa keris pajenengan
Idané,”Paman sembada paman titahang gelah ngemit
pusakan gelahe. Da paman nyerahang teké anaklén”
tur kapikelingin sapasira nénten dados kaicén yéning
nénten saking pangandika Aji Saka. Sawusan ngicén
piteket nglantur mamargi pandita Aji Saka kasarengin
antuk Dora niju purin Déwata Cengker Ida tan makta
pajenengan, wantah pikayunan lan kasuran pacang
ngrajegang Dharma.
Oneng pisan Déwata Cengker, nrima Pandita
Aji Saka. Ida satia pacang katadah tur mapinunas
yéning Déwata Cengker prasida nglukar destar idané
ngantos telas, kadurusang nadah. Déwata Cangker
nrima pinunas punika. Sadurungé Pandita Aji Saka
nganikayang Dora ngambil pusaka pajenengan sané
karaksa olih Sambada. Déwata Cengker ngawitin
nglukar Destar Pandita Aji Saka. Sakémaon napi sané
commons.wikimedia.org
UDIANA SASTRA Aggah Ungguhing Basa Bali 45