Page 56 - Kelas XII.indb
P. 56

Palajahan 3 Swalapatra


               Pidabdab 1. Ngwangun pangresep

                    Sajeroning ngawerdiang basa miwah budaya Bali lianan ring wikan mabebaosan antuk basa
               sané manut tata krama  utawi anggah ungguhing basa, patut taler kejangkepin antuk kawagedan
               indik surat. Ring pantaraning krama Bali surat punika sampun kawigunayang duk sané riin. utamin
               ipun sadaweg jaman kerajaan kantun ajeg rikala ngrauhang utawi micayang pituduh ring para patih
               ida miwah pasemetonan Idané.napi malih sané marupa piduduh pingit.Sané makta suraté kebaos
               utusan. Nanging média sané keanggé ngawit sakéng dedaunan, nglimbak dados kertas, raris ring
               jamané mangkin sampun nganggé média teknologi.Ring sajerining kegiatan adat surat basa Bali
               kantun manggéh. Mangda budayané nénten keanyudang jaman jadian indiké punika sukil patut
               taler kalestariang.Ring palajahan puniki alit-alité pacang uning ring soroh surat,kawigunan miwah
               tata cara makarya surat. duaning sapunika ngiring uratiang pitakéné puniki:

                  1.  Sira naenin memaca surat?
                  2.  Surat napi manten sané kauningin?
                  3.  Sani sané kauningin yéning jagi makarya surat?

               Pidabdab 2. Ngwacén Swalapatra




                                                  PEMERINTAH KOTA DENPASAR
                                            DINAS PENDIDIKAN PEMUDA DAN OLAH RAGA
                                        SEKOLAH MENENGAH KEJURUAN NEGERI 1 DENPASAR
                                 TEKNOLOGI DAN REKAYASA, TEKNOLOGI INFORMASI DAN KOMUNIKASI
                                  Jl. Hos. Cokroaminoto No. 84 kodepos 80116 Telp. (0361) 422401 Fax. (0361) 425603
                                        Website : www.smkn1dps.sch.id,  Mailto : contact@smkn1dps.sch.id

               Nomor       : 875.1/0122/ SMKN 1/2015
               Lampiran  : 1 Lembar
               Indik       : Undangan Ngamiletin Seminar




               Om Swastiastu ,

                      Malarapan  asung kerta  wara nugrahan Ida Sang Hyang  Widhi  Wasa, kauningayang
               sajeroning nincapang miwah nglimbakang keprofesian berkelanjutan, SMK Negeri 1 Dénpasar jagi
               ngawéntenang seminar implementasi kurikulum 2013 ring SMK Negeri 1 Denpasar. Malarapan
               indiké punika kaaptiang mangda para guru SMKN 1 Dénpasar prasida rauh ring galah sané sampun
               kacawisang :

               Rahina/ pinanggal     : Sukra, 26 Agustus 2016
               Jam                   : 09.00 Wita

               Genah                 : Ring Ruang Rapat SMK N 1 Denpasar

                      Inggih kadi asapunika  pinunas titiang, mogi-mogi nénten wénten kapialang mangda ida
               dané prasida ngrauhin. Mantuk ring uratiang miwah sapangrauh Ida-dane, titiang matur suksma.
               Om, Santhi, Santhi, Santhi, Om.







                                             UDIANA SASTRA   Aggah Ungguhing Basa Bali                    49
   51   52   53   54   55   56   57   58   59   60   61