Page 78 - Kelas XII.indb

Kasusastraan Bali Anyar kawangun antuk : Novel ( roman ), Cerpen Bali Anyar, Puisi Bali
Anyar, miwah Drama Bali Anyar.

1. Novel Bali Anyar minakadi : Novel Nemu Karma ( 1931 ) olih I Wayan Gobiah, Malan-
cara Ka Sasak ( 1935 – 1939 ) olih I Gede Srawana ring majalah Djatajoe,
2. Cerpen Bali Anyar minakadi :Ketemu Ring Tampak Siring olih I Made Sanggra, Leak
Lemahan olih Djelantik Santa, Godeg olih Komang Adnyana

3. Puisi Bali Anyar minakadi : Sasih Karo Ring Bali olih I Made Taro, Galang Bulan olih K.
Putra, Mati Nguda olih Putu Sedana.

4. Drama Bali Anyar minakadi :Kirana ( Drama Anak – Anak Th. 2005 ) olih I Nyoman
Wanda ( Pondok Temu Wutu Br. Teges Gianyar ) Gusti Ayu Klantir (1999) olih A Wijat S.
Ardi ring buku ”Gending Girang Sisi Pakerisan“

5.4 Imba Kasusastraan Bali Anyar Miwah Kasusastraan Bali Purwa

KENEH JUJUR DADI MUJUR

Kacrita ada juru kitak ngupetinin tanah, lakar kitakina. Sedek dina anu ia numbeg sig
tanahé ané lakar kitakina totonan, gumana ngae luluh, lantas ia makatang peti besi mataném,
bek misi brana, tumuli tingtinganga, abana mulih. Suud mejang petiné, lantas ia nundénang
ngalih ané ngelah tanahé.Gelising tuturan, teka ané ngelah tanahé. Ngomong juru kitaké.” Beli,
tiang makatang peti besi bek misi brana, matanem ring pakarangan beliné, ané upetin tiang. Niki
napi!”Ané jani ada pasobayan tiang tekén beli, ngupetinin tanah beliné dogén, pacang kitakin
tiang, dados ané dadi pagelahan tiangé. “Buka jani yadin tiang makatang petiné, taler beli sané
nruénang, nika mangda beli kayun ugi ngambil!”
Masaut ané ngelah tanahé.”Bapanné, singda beneh kéto! yadin icang ngelah tanahé ento,
sing patut icang nyuag petiné totonan, krana icang tusing rumasa nanem peti besi ditu. Bawakné
ento bapanné ngelah bagiané.”Juru kitaké masih tuara nyak pesan nyuang. Doning kéto, lantas
makadadua pada nunas pamatut tekén Ida Keréta.Gelising crita, makadadua suba pada majalan,
sambilanga ngaba petiné ané mara bakatanga, parek tékén Ida Keréta. Sanapakné di ajeng Ida
Keréta, sang kalih lantas masila tiding nangkil. Ida Keréta nakénin ané mara teka.
I Juru kitak matur.” Inggih ratu, mawinan titiang rauh pedek mriki, gumanti mamitang
bebaos.” Lantas ia nguningang saunduk- undukné, uli pangawitné tekaning panyuudné, nganti
ia makadadua pedek tekén Ida Keréta, tumuli nunas raos pamatut, nyén benehné ngelahang peti
besiné totonan.Ida Keréta ica miarsayang aturné makadadua. Lantas Ida ngandika:” Cai maka
dadua sing ja ada patut ngelahang branané ento. Dadiannya icang sing ja bisa mragatang wicaran
cainé, wiréh icang tau, cai pada ngelah pianak luh muani, tur suba pada nyandang mapumahan,
melah ada anggona meli saperaboting maumah-umah, wiadin anggona kamulan madagang!”
Déning kéto pamragat pangandikan Ida Keréta, sang nunas baos kendel pisan, lantas makadadua
pada mulih.

Olih : I Made Pasek

UDIANA SASTRA Kasusastraan 71