Page 87 - Kelas XII.indb
P. 87
Palajahan 1 Puisi Bali Anyar
Pidabdab 1 Ngwangun Pangresep
Puisi Bali Modérn wantah karya sastra sané nyritayang indik unteng daging pikayunan manut
ring rasa basa sang sané ngripta.Ring bebaosan sané lintang sampun katlatarang idik teges miwah
cacirén puisiné. Duaning sapunika ring paplajahan puniki alit-alité kaaptiang mangda uning
ring pikenoh daging miwah piteket puisi sajeroning kauripan punika mawinan ngiring uratiang
pitakéné ring sor puniki !
1. Sira naenin ngwacé puisi Bali anyar?
2. Pikenoh napi sané wénten sajeroning puisi?
3. Sapunapi carané ngwacén puisi
Pidabdab 2 Ngwacén Téks Puisi Bali Anyar
APA BUIN PANGENANG
Apa buin pangenang
Apa buin selselang
Buka kenehé ibuk madusdus gémbong api
Yan tuara déwék lan nyama braya
Nyén lakar ngisinin basang kola?
Sawai-wai mupuh yéh mata lakar daar
Pangenang awaké tiwas
Ibi sanja ningeh orta :
Unduk I maling nguyutang maling
Gumanti tekén I maling
Ada maling ada maling!
Cirin malingé masuriak maling!
Cerik-ceriké babiki :
Magending “diktatur absolute”
Ngékatang sinapang karét
Békbékan dekil
Maingket dadi bal meriem
Ndikapan bakal sida madingehang?
Olih I Ketut Suwija
80 Sasuluh Puisi UDIANA SASTRA
