Page 22 - testmergebrochureV0604

Schwätze iwwert de Comité da solle merop dëser Plaz e puer Wuert
iwwert eis Presidente verléieren. Si sinn ganz kloer Personalitéiten
an engem Veräin déi matentscheedent sinn wou de Veräin hi
steiert, wéi en sech entwéckelt a wéi et em finanziel geet. Ee gutt
Versteesdemech ënnert dem President, sengem Komite an dem
Dirigent ass matentscheedent fir de Succès.

Wa mir an de Bicher kucken gesi mer datt d'Presidenten och oft de
Veraïn finanziell gutt ennerstëtzt hunn, heiansdo souguer mat méi
engem héije Betrag wéi de Subside vun der Gemeng oder der
Regierung. Sécher wor et net ëmmer einfach an deenen schwiegere
Joren, wéi an den 2 Weltkricher, awer och manner schwiereg Joren
well do geet et jo gutt a firwat soll d'Musek ennerstëtzt ginn, de
Veräin ze féieren.

Jiddweree vun hinnen hat secherlech eppes wou e sech mat
Häerzblut dofir agesat huet. Beim éischte wor et secher fir de Veräin
mol richteg un d'Lafen ze kréien, a déi néideg Strukturen ze
schaffen. Duerno ass sech em een éigene Prouwsall staark gemaach
ginn. Dat sozialt Veräinsliewen wor och ëmmer wichteg, an all
Initativ sollt dozou baidroen fir datt d'Musikgesellschaft sech och
sollt musikalesch weiderentwéckelen.

Kucke mer zréck op déi lescht 25 Joer da sollt ee bei dëser
Geleeënheet ganz besonnesch déi laang Amtszäit vun 28 Joer
ernimmen, wou de Victor Christophe de Veräin présidéiert huet a
mat senger Equipe verschidden wichteg Uleiesse vum Veräin konnt
ëmsetzen. Een vu villen annere Schafferten aus dëser Equipe wor
secherlech de Fränz Fonck a senger Fonktioun als Vizepresident a
Sekretair.