Page 27 - testmergebrochureV0604

Leider ass et dann nom éischte Weltkrich, wou sech op eemol zwou
verschidde politesch Richtungen «dee Rout an déi Schwaarz» zu
Leideleng erëmmfond hunn, zu engem Eklat koum well et
verschidde Veräiner duebel gi sinn. An hei wor d'Musek och net
dovu verschount bliwwen. Aus dem Gesangsveraïn «Unioun» wor
eng zweet Musek entstaanen an et ass dunn 1921 bei Geleeënheet
vun der Häerläïche Pressessioun zu Stéierunge koum. De deemolege
Paschtouer den Här August Gemen, huet du vun der Kanzel rof
gepriedegt datt et wéi an aaneren Diefer et Brauch a Sitt wir sech
ënnert de Gesellschaften ze verstoen an net ze rivaliséieren. Méi
loose mer mol neese e bessen an der Geschicht zreck goen an d
Joer 1896.

E Fändel muss eng Musek hunn, an dese Wonsch konnt 1896
schonns an Erfëllung goen. Well jo déi finanziel Situatiion et net
zougelooss huet konnt dëst nëmme duerch Kollekten a fräiwelleg
Spenden geschéien. Hie wor dräieckeg an aus brong-roudem
Samett! A gëllene Buschstawen stung drop geschriwwen «Fanfare
de Leudelange 1896 » A bei der der Aweiung
sinn d'Musikanten dann och mat
fonkelneien Uniformskapen opmarschéiert.

Am Mee 1914 gouf et dunn e neie Fändel,
an d' Feier vun der Aweiung vum Fändel ass
um Virowend duerch e Fakelzuch duerch
d'Duerf ageleet ginn.

Fändel 1914
Am Joer 1948 nodeems de Fändel vun den Däitsche während dem
Krich beschlagnahmt gi war, awer no Krich an engem miserabelen
Zoustand rëmmfond gi ass, gouf beschloss fir een neien ze kréien.
Déi festlech Aweihung vum Fändel wor an deem selwechte Joer den
10 September.