Page 30 - testmergebrochureV0604

Finanziell ass jo ganz bescheidenen ugefaange ginn, an dach gesäit
een datt du Leideleng an der Musek immens vill geschaft ginn ass fir
datt een senger Passioun konnt nokommen.

An dëst ass schonns direkt no der Grënnung ugaangen wou een sech
Eirememberen zougeluegt huet déi 1903 schons vill Geld an d' Keess
bruecht hunn. Eng wichteg Quell war an ass nach ëmmer den
Hämmelsmarch, eng Traditioun déi zu Leideleng emmer héich
gehale ginn ass. Et ass sech iwwerluegt ginn wat fir Weeër een nach
kéint goen, a séier ass décidéiert ginn eng Theatersektioun an d'
Liewen ze rufen, déi fir Ouschteren, Chrëschtdag an och bei der
Kirmes hier Optrëtter hat, an e gudde Baz Geld an d'Keess bruecht
huet. Theater ass iwwer Joren opgeféiert ginn, am Ufank ass sech
hei och mat einfache Mëttele gehollef ginn an sou ass bei Tillen um
Giewel ( haut Ad. Wester) eng kleng hëlze Bud opgeriicht ginn an där
d'Virstellunge konnten, wuertwirtlech, iwwert d'Bühn goen.

Als Stécker am Theater ass vun alles ass gespillt ginn, wat zu engem
groussen Erfolleg beim Publikum bai gedroen huet. No etleche Joren
konnten d'Theateropféiereungen dann am eegene Musekssall oder
am Café Arendt ofgehaale ginn. Besonnesch Verdengschter um
Theaterwirken hunn awer secherlech den deemolege
Schoulmeeschter Jean Engler deen ab 1946 mat deem néidege
pädagogesche Geschéck als Regisseur , den Akteuren dat néidegt
Kënne baibruecht huet. Regie geféiert huet en etlech Joren och de
Roger Herman. An der Broschür vun 1993 kann een d'Stécker fannen
déi opgeféiert gi sinn.

No an no hunn dunn och aner Verëiner aus dem Duerf sech dem
Theaterspillen ugeholl an et kann e soen datt Theater e feste
Bestanddeel vum kulturelle Liewen vu Leideleng ginn ass.