Page 33 - testmergebrochureV0604

Net ze vergiesen awer och all déi privat Leit an Entreprisen déi
iwwert Joren de Veräin finanziell ennerstëtzen. Ze ernimme gëtt et
och « Section de Marche, Fanfare de Leudelange » eng
Sportsektioun déi 1975 aus der Leidelenger Musek eraus gegrënnt
gouf. (Artikel Hommage un eisen eelste Member).An de 70. an 80.
Joren sinn et en etlech nei Ideen ginn, mat Hausbaler, Bal zu
Bettebuerg beim Lou, Bal mam Fausti, asw. Am Joer 2003 ass dunn
awer iwwert eng nei Initiativ vum deemolege Buergermeeschter
Rob Roemen, dee vill gemach huet fir d'Musek finanziel iwwert
Sponsoring duerch d'Leidelenger Entreprisen ze ënnerstëtzen, de
« Supporter Club vun der Leidelenger Musek » gegrënnt ginn. Méi
duerzou an engem eegenen Artikel an dëser Broschür.

Haut steet d'Musek finanziel relativ gutt do, well iwwert déi selleche
Manifestatiounen déi organiséiert ginn, déi Concerte wou gespillt
ginn, iwwert d'Gemeng an ons trei Sponsore de Joresbudget ka
gedeckt ginn. Dëst fir déi néideg Instrumenter fir eis jonk Museker
ze kafen oder ze leasen an all néideg Ausgaben fir e gudde
Fonktionnement vun eiser Musek ze garantéieren.

Ernimme muss een déi immens Aarbecht déi wwert Joren eis
Keessieeën geleecht hun a leeschten. Hier Aufgab ass et d'Suen als
«Bon père de famille» ze verwalten an et sou ze erméglechen datt
de Veräin senger Haaptaktivität nogoen kann.

Déi meescht vun hinnen hun des Aktivität och iwwert laang Jore
gemaach a woren dem Veräin trei verbonnen. Aus der jëtzeger
Equipe sollt een awer och emol de Keessier, den John Engler, erfir
hiewen deen dess Aarbecht mat deem néidegen Geschéck schonns
säit 1984 erleedegt.