Page 38 - testmergebrochureV0604

Wéi schonns geschriwwen hat d'Fanfare 1893 hieren éischte
Concert a bei der Kirmes den éischten offiziellen Optrëtt. Et ass gutt
weiderschaft ginn a sou konnt se sech schonns de 14 Mee 1904 zu
Wooltz bei engem Festival mat net manner wéi 26 Musikante
präsentéieren. Am Joer 1894 ass och d'Fanfare an d'Union Grand
Duc Adolphe agetratt. (zu där Zäit AVL haut UGDA), an huet sech
dem Dagverband vun de Museken zu Lëtzebuerg ugeschloss.

1905 huet d'sech d'Fanfare zu Rëmeleng un engem Concours
bedeelegt an ass hei mat engem 2. Prais belount ginn. 1911 zu
Eteelbréck mat engem 3. Prais.

Den 2 August 1914 huet «Fanfare de
Leudelange» op engem Museksfestival
zu Wooltz gespillt, op deem Dag wéi
déi Däisch zu Lëtzebuerg amarschéiert
sinn an den 1. Weltkrich ugefaangen
huet.
Während dem éischte Weltkrich huet
d' Fanfare hier Aktivität net agestallt a
sech souwuel bei de kiirckleche a
weltlëche Festivitéite betätegt an et
sinn eng ganz Rei vu Concerte gespillt
ginn. Leidelenger Musek hat souguer d'
Eier no 1918 während e puer Joer bei
der Schlussprozessioun vun der Oktav
mat dobai ze sinn.

D'Feierlechkeeten 1923 zum 30. Gebuertsdag vun der Fanfare,
deemols ënner der Féiereung vum Här Mayer, woren e grousse
Succès. Dësen Anniversaire gouf fréi Moies den 23 July mat
Böllerschëss a Kackegelauts ageleed. Eierepuerte woren opgeriicht
ginn an Nomëttes huet de Cortege d'Ronn duerch déi gerëscht
Stroossen vu Leideleng gemaach. Et huet een bei där Geleeënheet
gesinn wéi unerkannt a beléiwt d'Musek am Duerf wor.