Page 36 - testmergebrochureV0604

Haut prouwt enn also an engem
spetifeschen, der Musek zur Verfügung
gestallte Gemengesall an der Eech, an
d'Concerte kennen an engem
adaptéierten, flotten a grousse Sall an
der Eech, deen ronn 500 Leit faasst,
gespillt ginn.E Sall fir deen eis schonns
etlech Veräiner aus anere gemenge
beneid hunn.

Presidente, Instrumenter, Fändel, Finanzen, a Lokaler hu mer lo
schonns behandelt, awer fir eng Musek ass et néideg eng gutt Hand
ze hunn déi se musikalesch féiert.

Musikanten an Dirigente hänken enk zesummen, an nëmmen wann
et e gutt Zesummespill an e gudde Versteesdemech zweschend
béide gëtt fonktionéiert dat Musikalescht am Veräin. Et kann ee
soen datt Dirigente niewend de Presidente d'Féierungspersoune
vun engen Museksveräin sinn, a sou ass och direkt no der Grënnung
dru geduecht ginn een Dirigent anzestellen fir de musikalesche
Kader ze schafen an d' Museker weider um Noteliesen auszebilden
oder hinne et souguer emol rischt baizebrëngen. Och wann dëst zu
Där Zäit schonns vill Geld kascht huet.

An der Persoun vum Här Pommerelle ass deen éischten Dirigent
engagéiert ginn asou konnt dunn direkt mat prouwen ugefang ginn.
Och wann, wéi een an der Opzielung gesait, d'Dirigente relativ oft
gewieselt hunn, huet dëst der musikalescher Entwéckelung vum
Veräin net geschuet.