Page 42 - testmergebrochureV0604

Des Aarbecht huet hir Friichte gedroen an den 80 an 90 Joren sou
datt een eng ganz Rei vu jonken Musiker an Talenter an der Musek
hat, dee och op sech opmierksam gemacch hunn bei Concoursen am
Ausland a bei deene vun der Kulturkommissioun vun der Gemeng
Leideleng organiséierten „Auditions musicales“

De musikalesche Programm ass an de Joren ëmmer méi gewues an
d'Musek huet sech souwuel un alle weltlechen an religiöse Fester zu
Leideleng bedeelegt, nei kulturell Aktivitéiten zu Leideleng ageféiert,
wéi de lëtzebuerger Owend, Mulenowend, Traipenowend oder nees
musikalesch Owender wéi d'leschteg Owender ageféiert. Kuckt een
an den Aktivititätbericht aus de 70 Jore bis haut da ass et
fantastesch ze gesinn wou schonns iwwerall e Concert gespillt ginn
ass. Erauszehiwen aus hei secher och de Waimoart ze Méichtem
wou d'Fanfare schons zenter den 80. Joren ëmmer wëllkoum ass fir
e Concert ze spillen. Doteschend sinn awer och e sellëchen
Aktivitäten aus der Rei ginn, wéi d' Calvalkaden zu Wincheringen an
nach anerer. Bei Ouvertueren vu onsen groussen Entreprisen déi
sech hei zu Leideleng implémentéiert hunn ass Präsenz gewise ginn,
an natiirlech wann sech ee vun eise Musikante bestued huet wore
mer dobai.

Vun 1989 bis 1999 woren als Dirigenten déi Hären Norbert Pegel,
Norbert Valmorbida an Romain Geimer an der musekalescher
Verantwortung. Ennert dem Romain Geimer sin dann och d'
Festlechkeeten vum 100 Anniversaire vun der Fanfare 1993 iwwert
d'Buehn gaangen.

D'Festivitäten déi sech iwwert Mee, Juni a July 1993 ersteckt hunn
haten e grousse Succès. Déi enorme Vielfalt vum Programm, de neie
Fändel, an déi nei Unniformen hu mat duerzou baigedroen. Den
Héichpunkt wor den 11 July 1993 mat der Aweihung vum neie
Fändel, dem Cortège, deen a Steereform an duerf koum, an dem
Ofschloss Concert vun der Harmonie Munipale de Luxembourg –
Eich.