Page 26 - Kelompok_Kompetensi_G_Makarya_Sembrama_Wacana_Puisi_miwah_Geguritan

2. Sejarah Aksara Bali

Aksara Bali mawit saking aksara India, panglimbakannyané sinarengan
daweg nglimbakin agama Hindu – Budha ring Indonésia. Dumunan, ring India
wénten aksara sané mawasta Karosti. Mawit saking Karosti puniki nyantos

wénten aksara Brahmi, salanturnyané nurunang aksara Devanagari lan Pallawa.
Aksara Dévanagari ring India Utara keanggén antuk nyurat ring sajeroning basa
Sansekerta. Aksara Devanagari lan Pallawa ring Indonésia ring sajeroning

panglimbakannyané nyarengin antuk panglimbakan agama Hindu lan Budha.
Aksara Devanegari lan Pallawa puniki salanturnyané nurunang aksara Kawi

utawi Indonésia kuno. Mawit saking aksara Kawi puniki, kasuén-suén medal
aksara Jawa, aksara Bali miwah aksara-aksara sané tiosan sané wénten ring
Indonésia.

Silih sinunggil buktinyané aksara Devanegari wénten utawi kalimbakin
ring Indonésia, ring Kutai Kalimantan Timur wénten Yupa sané kasurat nganggé

aksara Dévanegari. Yéning ring Bali silih snunggil buktinyané, Kawéntenan stupa
alit-alit ring Pura Penataran Sasih Péjéng, Kecamatan Tampaksiring Gianyar.
Stupa punika madaging Cap saking tanah legit, ring cap punika kasurat aksara-

aksara Devanegari utawi siddhamatrka. Aksara punika sané keanggén nyurat
mantra Buddha Tathagata. Samalih silih sinunggilnyané ring Pura Blanjong
Sanur. Kawéntenan tugu pinget Ida Sri Kesari Warmadéwa sané madaging

sasuratan nganggé aksara Dévanegari lan aksara Bali kuno. Bentuk aksara Bali
sané bunder dados conto bentuk aksara Bali sané mawit saking aksara Pallawa.

Conto panglimbakannyané aksara Bali saking aksara Devanagari inggih punika
bentuk huruf akara ring aksara Bali sané mirip sareng bentuk huruf a ring aksara
Devanagari.

Salanturnyané aksara Pallawa nurunang aksara Kediri kwadrat. Aksara

Kediri kwadrat puniki sané nurunang aksara Jawa lan aksara Jawa puniki sané
dados aksara Bali sané keanggé nyantos rahinané mangkin. Yéning tlatarang
ring sajeroning panglimbakannyané aksara Bali puniki wantah turunan saking

14